ماجاك مثل العام راعي بشاير

*سعد المحمدي*

*ماجاك مثل العام راعي بشاير*
*لو حلم بين الثانيه والدقيقه*

*في نشوته تبني صروح وعماير*
*وتهدها ﻻبان وجه الحقيقه*

*بعد انتهت بيام حرب الجزاير*
*حطيت لي سم الحنش في رحيقه*

*هدهد سبأ جابه مع الجو طاير*
*قصده يحط الذيب وسط الحديقه*

*ياود لو حطوك ضمن الشعاير*
*ولك يذبحون بكل ليله عقيقه*

*النور ماتخفيه سود الستاير*
*ياهل المكايد والجنوب الرقيقه*

*لقيت عيب سلاحكم بالذخاير*
*مايثور مابين الكمين وزريقه*

*****************************
*مجاراةالشاعر*
*تركي المحرول*

*كتبت درس لميتين الضماير*
*وبصدورهم من كلمة الحق ضيقه*

*ضاقت صدور مفتشين الصراير*
*ومن شم ريح الذيب جنب طريقه*

*تبي على الظالم تدور الدواير*
*وباكر غراب البين تسمع نعيقه*

*ولاهي غريبه يازبون الخساير*
*تملك من الامجاد صرح ووثيقه*

*يوم الزمان اللي به الرمي ثاير*
*شبيتها بوجيه الاعداء حريقه*

صح لسانك ولسان الشاعر تركي المحرول

صوت وصدى غايه الابداع والروعه

صحت الالسن وبيض الله وجيهكم

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحة ابدانكم الجميع

صح لسانك ولسان الشاعر تركي المحرول
فعلاً مستشار القوافي اسمُ على مسى مشاء الله.

صحــت السنتكــم
دمتم برعاية الله وحفظة