(حب من طرف واحد)الشاعر مبارك بن سالم المصلح الحربي(ابن دهيم)

(حب من طرف واحد)
هيهات قلب اللي جرحتيه يبرا
دواه ما يذكر مع كل دكتور

إلى متى وياك و انا اتدرا
ثلاث اسنين فوقهم سبعة اشهور

وانا بكل يومٍ يجي اتحرا
منك الوصل اتزورني أو أنا أزور

يازين لو عنك أستطيع اتبرا
كان ماترجيتك وانا إنسان مشهور

الحب خيره ما يساديه شرا
أراه بحرٍ والغدر فيه مذكور

حب من طرف واحد على الناس يجرا
ولاخير في حبٍ يخليك مقهور

جوٍ وهاتينٍ وما بينهم را
اسم الحبيب اللي انا فيه مجبور

لو جيت جرحي من سبايبك يبرا
وصلك دواء قلبي عن كل دكتور


الشاعر /مبارك بن سالم المصلح الحربي (ابن دهيم)

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة