ان كان ما رافقت في عمرك حروب

السلام عليكم ورحمة الله وبركاته

مشاركه للتواصل معكم

ابيات للشاعر سعود بن شامان العتيبي يخاطب بها
سعد بن معيبد الحربي
سالم سليمان الحربي
وعبدالله سعيد الحربي

ان كان ما رافقت في عمرك حروب=انا اشهد انك ما عرفت الرفاقه
تلقى لهم فعلن موضح ومكتوب=وعز ومعزه وابتهاج وطلاقه
يفداهم اللي لابس البشت والثوب=واليا نخيته قال مافيه طاقه
يا جعل سالم سالم الراس محبوب=وابوسعيد شاقه الطيب شاقه
وابومعيبد هو سعد كل مكروب=ناسن تعشق الطيب دايم عشاقه
حرب العريقه حرب في سلم وحروب=اهدي لهم من مشتل العز باقه
الشاعر سعودبن شامان العتيبي=
وقد جاريته بهذه الابيات=
كان الثناء له تاج في نهج واسلوب=ملكت كنزه يانزيه الصداقه
رفقة مثل شرواك ياقاضي النوب=نفخر بها من جد ماهي زراقه
ياطيب المذهب لك الطيب موهوب=من اللي حقوق المزن للارض ساقه
يااللي تبين بكل ماقف وماجوب=يفداك ياريف الخوي كل عاقه
يابن الرجال اللي لها المجد منصوب=تاريخ وافي مايلحق لاحاقه
اعتيبه الهيلاء حجا كل مطلوب=بيتٍ يذري بالنوايب رواقه

سالم بن ظفر (جريح الفرقا)

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسان سعود العتيبي بيض الله وجهه

وصح لساااانك ملااااااين ياجريح الفرقا

رد وافي وكافي بيض الله وجهك

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك وطال عمرك ووجهك ابيض

اسعدني تواجدك العذب لاعدمتك

	المشاركة الأصلية كتبت بواسطة ابوهليل

	صح لسان سعود العتيبي بيض الله وجهه وصح لساااانك ملااااااين ياجريح الفرقا رد وافي وكافي بيض الله وجهك

صح بدنك وطال عمرك ابو هليل

ووجهك ابيض

شهادتك وسام وتاج لاعدمتك

صح لسان ابن عتيبة وصح لسان ولد العم

	المشاركة الأصلية كتبت بواسطة وله قلبي

	صح لسان ابن عتيبة وصح لسان ولد العم

صح بدنك وطال عمرك

اسعدني تواجدك العذب لاعدمتك

صح لسان العتيبي وصح لسانك
وبيض الله وجيه من ذكرهم العتيبي
ووجه العتيبي

	المشاركة الأصلية كتبت بواسطة سعد المحمدي

	صح لسان العتيبي وصح لسانك وبيض الله وجيه من ذكرهم العتيبي ووجه العتيبي

ووجهك ابيض وعمرك طويل


صح بدنك وطال عمرك ماعليك زود

صحت السنتكم جميعا ً
وعلمكم غانم
الله يبيض وجيهكم جميعا ً