انشد الترك عنا

.
.
.
.
.
لا يزايد علينا القهوجي الصغير
والله انا ربينا بـ "المكارم" دهررر
لو صبرنا بنصبر مثل صبر البعير
مير صبر المذله ما يسمى صبر
لاا زعلنا ترانا مثل حدّ الشطير
كل عالي نوطّي من علووه حدرر
ليّنين الطبوع و شرررنا مستطير
والخوي ما نفرط في حقوقه شبر
و الله انّا ملاذ اللاجي المستجير
يوم بقعا تلاسن ضوها و تهدر
حرب يوم الملاقا والرحا مستدير
طيبين السماة و للعذارى ستر
ما نهاب المنايا لو تقادح سعير
ولا حقرنا الصغير ولا نحب الكبر
و لا تشوف الطراقي غير وجهٍ سفير
يوم وجه السقيطه عند ضيفه ودر
بومةٍ ما جداها غير كثر الصفيرر
وبالمكارم رصيده خابرينه صفر
كل ما جا المعايا جاك يبغى يطير
خف وزنه تحلف انه رمادة جمرر
ما اتعنصر و لو بالعنصريه خبير
مير زادت و حنا ما نزيد نعذر
من ترجا وفاك قليّله والكثير
مثل منهو تحرا الدوم تطلع تمر
قبل تبدى هجومك واسها واستشير
يا كبير اللهاة و يا وضيع القدر
وانت تدري سكوتي يوم تنبح قصير
لا عَدَيت الحدود يولعن الحمر
انشد الترك عنا يا مرب الحمير
يوم جانا يحث خطاه باشة مصر
ما فرشنا طريقه بالمسيره حرير
دمنا مهرقينه لـ الجزيره مهر
من وفانا مع اللي في وفانا جدير
ما نخون العهود و لا نعرف الغدر
و لا شلعنا وتدنا يوم جانا النذير
من نصانا لقانا علة ٍ في نحر
.
.
.

بدرالهبيري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك على الكلام الجميل

السلام عليكم ورحمة الله وبركاته
سلمت ودمت أخوي الشاعر بدر الهبيري على القصيدة .
.
.
جزله ورائعه وصح لسانك
أخوك ابوساره

صح الله السانك لا هنت
لاغرابة الابداع من اهله

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك

وبيض الله وجهك يالغالي على القصيدة الرائعه

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك اخوي
لا عدمنا ابداعك

صح لسانك على هالرائعه


ابدعت وصح لسانك مليار ولايكفي