الاوس تدرك ماتريده خزاعه

*دعاني الطيب عشير المشاكيل*

*سعد وريث اهل الكرم والشجاعه*

*وجيته وفاء من باب رفقه وتجميل*

*ماني مضريها على الانهزاعه*

*يسوقني ياحرب سوق الفناجيل*

*بيدين قرمن مانقص كيل صاعه*

*الواجب اللي يدركه كل حلحيل*

*ويعطيه علباته خبيث البضاعه*

*سلام يارجال اليزد ياهل الخيل*

*حماية اللي للموده ولاعه*

*حمرن بواد الحمض يوم المصاويل*

*يرعن ولا يوخذ عليهن ارتاعه*

*بالرمح والبندق وحد المصاقيل*

*يرعن حيا وادي تقانب سباعه*

*وغير الشجاعه للعوارف دواليل*

*واهل صياني يوم وقت المجاعه*

*يتلون شيخن طيب معدن وتكميل*

*غازي ولد متروك صدق وقناعه*

*النفس رافعها عن القال والقيل*

*عنده عن علوم الهزاله مناعه*

*عليه ماتلقى خصومه مداخيل*

*لو حاولو بالوقت لويت ذراعه*

*فاصل وخذ لب الخبر بالتفاصيل*

*يالناشد اللي فيك مكر ولكاعه*

*العام طفى نور كل القناديل*

*نجمن غطى روس النوازي شعاعه*

*على شعاعه تنزل البدو وتشيل*

*والسر يالنجوم السماء برتفاعه*

*مافيه نجمن لاطلع طلعت سهيل*

*ولافيه كنزن مثل كنز القناعه*

*معثور ياراع الشرك والمحابيل*

*مالك على بعض الامور استطاعه*

*لو جيت مابين الجمل والجماميل*

*الاوس تدرك ماتريده خزاعه*

*ياذاك لاتمشي ورى حاطب الليل*

*وانت الوديع اللي حفظت للوداعه*

*ان طعت شوري بالليال المقابيل *

*عليك لايضفي حنيفه اشراعه*

*العام جليته ورى شاطي النيل*

*واليوم جانا من جهتكم خداعه*

*من حرف التورات حرف للانجيل*

*مايجوز بالدين الحنيف اتباعه*

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح بدنك جعلك سالم وغانم

صح لسااااااااااااانك يابوتركي

*حمرن بواد الحمض يوم المصاويل*

*يرعن ولا يوخذ عليهن ارتاعه*

*بالرمح والبندق وحد المصاقيل*

*يرعن حيا وادي تقانب سباعه*
والنعم في ا الجميع
صح الله السانك لاهنت
مستشار القوافي
المحمدي سعد

صح الله ابدانكم الجميع
تشرفت بمروركم

السلام عليكم ورحمة الله وبركاته
سلمت ودمت أخوي الشاعر سعد المحمدي على القصيدة .
.
.
جزله ورائعه وصح لسانك
أخوك ابوساره

صح لسانك يابوتركي

بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صحت ابدانكم الجميع