ديوان الشاعر غازي بن مغيران الزغيبي

وجودي على الماضي وجوال ابو كشّاف
ياليته يعود او ماضي الوقت ينعادي!

هذا شطر بيتٍ قاله الشاعر العرّاف
وان من دليل زيادة اعجاب به بادي!

هذا الشاعر العملاق في حزة الميقاف
قصيده مايقدر ينتجه كل قصادي!

لاهو غريب الصرف يعرف به الصرّاف
وهو شاعر معلّم ومشهور وريادي!

كلامه يوصف واقعٍ يسمع وينشاف
وانا ولو تعودته فلاني ابمعتادي!

اشوفه لكن أقدر السلم والأعراف
لو إنه قدم عيني ثلاثيّ الابعادي!

قروبات شغاله وتهريج واستخفاف
مطارد فريقٍ يطّرد كورة النادي!

بها الدجل ياكثره وياقلّه الإنصاف
ولاعم حتى .. يقتنع كل نقادي!

ولا فيه شيءٍ لاهل الذايقه ينضاف
يضيع الذهب لآحط بيدين حدادي!

بعد غادر العملاق وانا على مهياف
اظنّه مقامي خير من وضع مقعادي!

وانا في كلا الحالين مابه عليّ خلاف
لو الجوّ هادي صار ولاّ ماهو هادي!

حمدي السليمي