بكيت

جميله هذه القصيده

وهي لشاعر حربي يقال له صالح كان من اهل الكويت

وانتقل الى المدينه المنوره

شكرا لك

وسأنقلها لكم كامله


يقول :


على ذاك الجدار اللي على حد البيوت الطين
وقفت وهاجس الذكرى نفض في قلبي غباره

وقفت أطلق مدى شوفي و أناظر مفرق الدربين
و أشوف الدار وعيوني تضم الدرب و جداره

أجل هذا الجدار اللي سهر يوم العرب غافين
أجل هذا الصديق اللي ذكرته و أذكر أسراره

أنا أذكر يوم يجمعنا يغطينا برمش العين
نسج ليله وسوى به على عشاقه أستاره

حجر لكن أحس أنه يحس بفرحة القلبين
و أحس أنه نفس لكن غدا جامد من أقداره

حجر يوم العرب تنسى إذا مرّت عليها سنين
حجر يوم العرب تنسى حبيب مبعده داره

ولكن الجدار اللي تركته من هذاك الحين
عرفني يوم قابلته وبلل دمعي بحجاره

جلست وهاجت الذكرى وقلت بخاطري مسكين
ثمان سنين في وحشة ولا أحد مننا زاره

وفا ذاك المكان أثبت بأن الآدمي من طين
تخيل يوم لامسته تنهد من شقا ناره

سألني قال أنا أذكركم تجوني بالظلام اثنين
بكيت وقلت صدقني رحل و انقطعت أخباره