ديوان الغاز ابوهليل

الفيـتـن خامـسـه تنـسـاق لـبـنـت الـرجــال
الـفـايــقــه بــالــذكــاء كـحـيــلــه مـاغـيــرهــا

بالـهـرجـه الــدارجــه جــنــوب والا شــمــال
عــلـــي تـوصـيـفـهـا واطـلــبــك تـحـضـيـرهـا


الالـــف لـلــي حـصــل بـايــام زلـــت يـقــال
لاقـــــال هـــــذي مــتـــى يـاحــلــو تـعـبـيـرهـا

وبالعكـس لـو تنقـري ماعـاد فيـهـا جــدال
جـــمـــع الــســرايــا لــيــامــن زاد تـقــديــرهــا

الـبــاء يـعـنـي تـصــرف مالحـقـكـم ســــوال
اريــــــاك لاجـبــتــهــا صــعــيـــب تـغـيـيــرهــا

لا شفـتـهـا بـالــورق مختلـفـتـن بالـمـقـال
يـصـيـر رجـــل يـقــد الـرجــل فــــي سـيـرهــا

الـتــاء مـطـلــب لـشـاعـرنـا خــلــف هــــذال
فــالاشــرطـــه قـــبــــل مــايــتـــم تـكـسـيــرهــا

لـعـل يعـطـيـه مطـلـوبـه حـسـيـن الـجـمـال
ويعـطـيـه مـــن يـعـطـي الـعـربـان تقـديـرهـا

الـثــاء فـالــي يـشـيـلـن الـحـمــول الـثـقــال
وقــت المـنـازع هــوى الاخـصـام تكسيـرهـا

عـنـد الـبـدو تنـعـرف جـنــوب والا شـمــال
فالـمـزبـلـه تـنــحــذف مـايـفـيــد تـصـديـرهــا

الجيم تطلب عسى المطلـوب يلقـى قبـال
والـنــاس لامــــن عــطــت يــزيــد تـوقـيـرهـا


يالله يـــامـــنــــزل الـــــتـــــوراة والانـــــفــــــال
تـحـفـظ رجــــالٍ وفــــت مــابــان تقـصـيـرهـا

الـــحــــاء ورعٍ ولابــــــــه للهواء مــــدخــــال
الاطــعــمـــه ســبــتـــه مـــابــــان تـغـيــيــرهــا

فـالــســوق تـشــريــه بـريـالـيــن والا ريــــــال
وسمـيـه بـــدو الـعــرب تعـطـيـك تفسـيـرهـا

الـخـاء بـعـض الشـعـر والا كــلام الخـبـال
هــــروج لامــــن لــفــت مـايـفـيــد تـبـريـرهــا

وصــــفٍ لــهــا عـنـدنــا بـعـبـورهــا يـنــقــال
بـعـض الـغـوز الحقيـقـه سـهـل تصويـرهـا

الدال فوق الشعيب وتحت روس الجبـال
والـنــاس وقـــت الـكـبــر يـشـابــه لـسـيـرهـا

الــغـــز لــلـــي يــحـــل مـفـصـلــن تـفــصــال
يـعـنـي وصـوفــه لـكــم مـــازدت تشـفـيـرهـا

الـذال للـي حقيـقـه عـنـدي سـمـح القـبـال
الـنـفــس بــعــد الــزعـــل يـــــروح تـكـديـرهــا

تاريـخـه ماينـسـي محـفـوظ طـــول الـيــال
لـــولاه بـعــض الــعــرب يـضـيــع تفـكـيـرهـا

الــــراء فـيـهــا مــثــل يافـاهـمـيـن الــســـوال
الــيـــا بـــــلاك الــزمـــن عــلــيــك تـغـيـيـرهــا

الا لـيـاشـفــت شـــــيٍ يـعـجـبــك فـالــخــوال
اصــبــر لــعــل الـثـمــر يـشـيــل تـقـصـيـرهـا

الــــزاء روس الـقـمــم لــلــي نــبــي مــنــزال
الـقــمــه يـعـطـيــك بـالـتـوصـيـف تـعـبـيـرهـا

لاصار فيـه السـرور يزيـد حسـن وجمـال
والـثـانــيــه خــلــهــا يــاشــيـــن تـكـشـيــرهــا

السيـن يـوم الخبـر صعيـب يـاتـي مـحـال
ماغـيـره ضـيــف الـعــرب عـلـيـه تحـريـرهـا

والـيـوم تسـفـي عليـهـا سـافـيـات الـرمــال
بـلـمـحـة بــصــر لالــفــت يــتــم تـسـيـيـرهـا

الـشـيـن تشـبـيـه فالـطـيـب ودايــــم تــقــال
الــــرجــــل لامــــرتــــه يــلـــزمـــه تــقــديــرهـــا

عنـدي وعـنـدك تــرى مـعـروف رد المـقـال
الـطـيــب تــنــزاد مـاضـنــي يــجــي غـيـرهــا

الـصــاد عـلــه سـلـيــم ولايـجـيــه اعــتــلال
مـامــر عـنــده تــــرى مـحـفــوظ تـصـويـرهـا

يحفـظ جـداد العلـوم ويحفـظ الــي سـمـال
الـنــاس لــــو يـخـتـلـف يــازيــن تسـفـيـرهـا

الـضـاد لامــن بــلاك الـــي بعـقـلـه خـبــال
قــلــهــا ولاتـسـتــحــي يـــازيــــن تـعـبـيــرهــا

البعـض لـو تمدحـه يحطـك تحـت النعـال
عيـنـه مـثـل عـيـن مــن تقـتـات بشعيـرهـا

الطـاء ماهـي بتسـوى شـي عـنـد الـرجـال
ومـــــن مــدهـــا زادت الـعــربــان تـحـقـيـرهـا

عنها يشوم الـذي يسكـن بـروس الجبـال
مايصيـدهـا مخلـبـه عـيـنـه عـلــى غـيـرهـا

الـظـاد لابــن المهـلـهـل يـــوم غـنــا وقـــال
وجـهــتــك لاعــارضـــك عـلــيــك تـغـيـيـرهــا

جنب مـادام الولـي عطـاك حمـر السهـال
نصـيـحـتـن فـالــصــدر عـلــيــك تـسـمـيـرهـا

العيـن يـوم العـرب بــدوان تـرعـى الـحـلال
مـاغـيـره وقــــت الـمـنــام يــنــوم صـغـيـرهـا

دورتــه بـعـد الكـبـر لقيـتـه رســم الـخـيـال
كـلـمـه ولازلـــت عـاجــز ويـــش تفـسـيـرهـا

الغـيـن بنـتـن تـسـوي فالـصـدور اعـتــلال
مـاهــي بـتـنـسـاح لــيــن يــتــم تضـهـيـرهـا

ماتـرحـم لامــن لـفــت شـيــاب والا عـيــال
انــشـــد جــيـــران الـبــلــد قـــــدام تـحـريـرهــا

الــفــاء لــلـــي تـســولــف مـايـلـقـيـك بـــــال
كـــنـــه رجــــــالٍ بــــــدا يــــــروح تـخــديــرهــا

عساك ماتنوصف بالوصف يابن الحلال
دام الــغـــوز الـــجـــدد قــــــررت تـيـسـيـرهــا

الـقـاف مـاهــو لـنــا تـلـقـاه عـنــد الـخــوال
هــذا ك وسـطـه رجـولـه صـعـب تسيـيـرهـا

يشـابـه العـوشـزه فــي حـــال لامـــن طـــال
كـثـيـر نـاســه تـــرى تعـجـبـك فـــي زيــرهــا

الكـاف خيبـة رجــاء تجـيـك بـعـد الـسـوال
والــنـــاس لاتـنــصــدم لاشــفـــت تـعـبـيـرهـا

خصٍ ليا صـار مطلوبـك حسيـن الجمـال
النـفـس مــن بـعـدهـا يـاصـعـب تصبـيـرهـا

الام تــحـــت الـــرجـــم تــصــيــر فـالـمــنــزال
راعــيــهــا لاطـــولــــت مـــنــــاه تـقـصـيــرهــا

وعـنـد البـقـر تنـلـقـي ماتنـلـقـي فالـجـمـال
مطـلـوب كـشــف الـغـطـا غـطــاك يابـيـرهـا

الميـم حــذرى تحـطـه عـنـد صـفـر الــدلال
مـــاهـــو ردي الـــرجـــل يـعـيــبــه تـنـثـيـرهــا

الــغــز واضــــح ولابـــــه يــاعـــرب جــهـــال
والصعـبـه لاهــل الـذكـاء عـلـيـك تمـريـرهـا

النـون للـي تـرك بالغـصـب زيــن الـدحـال
جـابـتــه رجــلــه بــعــد مـاطـبــت اجـريـرهــا

شـاف الـذي مايـسـر وجــاه كـثـر الجـفـال
بـعــد الـهـنـاء دنـيـتـه منـحـاسـن امـريـرهـا

الــهــاء مـاتـنـسـي دايــــم وهـــــي فـالــبــال
يــازيـــن لامـــــن لــفـــت بـالــيــد تـمـزيـرهــا

امـا تـجـي سـلـق والا فــوق جـمـرٍ جــلال
حـــلـــوهــــا قــــــــــدام لايـــــتـــــم تــغــيــيــرهــا

الــــواو لـدغـيــم الـضـلـمـاوي راع الـــــدلال
دلــــــه وزان الــجــمــر يـــفــــوح تـبـهـيــرهــا

مشـهـور فيهاعـريـب الـجـد عـمـن وخــال
نـــاسٍ خـذاهــا الـزمــن صـعـيـب تـكـريـرهـا

الـيـاء تـمـدح كــذب وتـقـول انـــا مـخـتـال
صــورتــك فـيـهــا لــنــا كـشـفــت تـزويـرهــا

كـلـمـه هـنــا فالـبـلـد جــنــوب والا شــمــال
لــلــكـــل مـاتـنـجــهــل لاجـــــــاك تـعـبـيــرهــا

تميـتـهـا يــاعــرب والــعــذر تــــال الـمـقــال
لــلــي سـبـايــب لــغــوزي تــعــب تفكيرها