مشاركتي بحفل الشيخ خلف المريخان

بسم الله الرحمن الرحيم
السلام عليكم ورحمة الله وبركاته
مشاركتي بحفل الشيخ خلف المريخان
بمناسبة زواج ابنه مصعب

بديت باسم الله عزيز الجلالي = مرس الجواري فوق لجة بحوره
باسمه بديت القول خيرالمقالي= قافٍ يخص الحفل وينصى حضوره
اليل ياقصر اليخت وش تحالي = ماكنك الا سهيل حزة ضهوره
نورك تعلى فوق روس العوالي = يشوق سكان اليمامه سفوره
باسم الشيوخ ملحقين التوالي = شيوخ ربعي والفعول مخبوره
يامرحبا عداد نبت السهالي = واعداد نجمٍ بالسماء شع نوره
ترحيب يشدا سلسبيلٍ زلالي = لصايم الضميان حزة فطوره
بالي حضر قاصين والا موالي = ينساق سوق العود زاهي بخوره
اليله ماهي مثل باق اليالي= الحفل يامصعب تكامل زهوره
ازهوره الحضار حي القبالي = الكل قادم والتهاني عطوره
ارفع لك التبريك باسم الخوالي = الي هنا والي يرده عذوره
واقول لك مبروك بنت الرجالي = درع القبيله فالشدايد وسوره
دار المدينه لاتبوك الشمالي = وعلو نجدٍ محتمينن ضهوره
اهل النياق موسمين الهلالي = محمدي معروف ماغاب دوره
زبن الدريك الي من الموت جالي = عنه العدو يهاب وتقصر شبوره
ولضيف تبن البيت بروس الطوالي = اول قراهم بن وتالي جزوره
واليا لفاهم قاصرين الحوالي = بالمال يخشر ويتزيح كدوره
محصلين المدح باول وتالي = وفي مدحهم يالربع نفسي فخوره
حنا بني سالم نهار القتالي= دفانة الركبه بوقت الخطوره
على المنايا وردنا مانبالي = لاسيقت العطفه تزيد السطوره
عقال بحال وحال فينا هبالي = لاهازنا المغرور يطفي غروره
ومسروح تشبه راسيات الجبالي = تاريخهم بالمجد شاهر سطوره
حنا قبيلة حرب فينا الكمالي = الشرك يوم الجهل نمنع عبوره
دين الله ورث جدودنا للعيالي = المسجد قبل البيت نبني صخوره
كل المفاخر عندنا لاجدالي = نسنها للغير منا بروره
هذا صحيح القول ولاهو تعالي = وهرجٍ بلا برهان نمنع مروره
وباق القبايل زاخره بالفعالي = الجزله ماهي للحروب محصوره
شعب الوطن كله عزيزٍ وغالي = قاصي طريف اليا نوازي شروره
بالامن عشنا مافقدنا ريالي = الله يديمه دوم وتبقي عصوره
ويحفظ لنا سلمان واف الخصالي = الكامل الله ماتبين قصوره
حاكم بحكم الشرع يحكم عدالي = الضلم ضيقه والعداله سروره
بالجد يعمل مايحب التسالي = لاجل الوطن والشعب عينه سهوره
ويحفظ ولي العهد سيفٍ يشالي = للي نوى بالدار واهله شروره
والختم مالاحت بروق الخيالي= على النبي واله صلاةٍ تزوره

صح لساانك

ومشاركة مميزة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسااااانك عزيزي ابوهليل
والنعم بالمادح والممدوح
تقبل تحياااااتي وتقديري

أحلى مسوي سعد المحمدي فالزواجات ههههههههههههههه



















وعليكم السلام ورحمة الله وبركاته

والله ونعم يبوهليل بالمادح والممدوح

وصح لسانك ويسلم فكرك

وتقبل امتناني لقبول مشاركتي مع كل التقدير

صح لسانك يابو هليل

وبيض الله وجهك

والشيخ خلف المريخان يستاهل المدح ونسابه يستاهلون

	المشاركة الأصلية كتبت بواسطة ابن فلاح

	صح لساانك ومشاركة مميزة

صح بدنك يابن فلاح


لاهنت مشكووور

صح لسانك

ونعما بالمادح والممدوح

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك لاهنت