ياوريثة جين يوسف في حلاك

بسم الله الرحمن الرحيم
السلام عليكم ورحمة الله وبركاته
اطرح بين يديكم جديدي من خلال قصيده غزليه اتمنى ان تنال إستحسانكم وترتقي لذائقتكم


ياأكسجين الشعر ملهمة الحروف
إنتخيت بهاجسي ومغير جاك
كل حرف وكل بيتن بك يطوف
ياوريثة جين يوسف في حلاك
للجمال اوصاف ولحسنك وصوف
ما أملكتهـا كــل زيـنـه يا مـلاك
من ورى نجران لأطراف الهفوف
انتي الاجمل وحيده في سماك
اربعينك فالشبه دون الوصوف
كلهم بـالزين دونه مستواك
من يشوفك ضم وجهه بالكفوف
لو من المسجد وهو طالِع رآك
كن عينك فارس ورمشك سيوف
توُرد القلب الخضر يـم الهلاك
و ثغرك الفاتن به الشهد امعسوف
ومنظر الحمره طبيعي في شفاك
وشعرك الناعس على جال الردوف
تستثيره كل خطوه من وراك
كل زينات العرب على الرفوف
في حضورك جعل هالدنيا فداك
ولا اختفيتي.. صلوا العالم خسوف
من شبهك البدر فالزين وضياك
ياعساه الحظ وكتاب الصروف
يكتب الباقي من انفاسي معاك
بعدها تعمى عيوني ما تشوف
من بنات الارض يالزينه سواك
.
أحـمد بن محمد الخـواري السفري

لا اختفيتي.. صلوا العالم خسوف
مـــن شبهك البدر فالزين وضياك
صح السانك لاهنت
ونص غذب
في قمة الابداع

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم فكرك وبيانك

صح الله لسانك
ولاهنت
وسلم فكرك وبنانك
دمت برعاية الله وحفظة