من يعشق الطالات................

أبيات بعنوان : من يعشق الطالات


بقلم / فواز بن محسن الزويهري الحربي


➰〰〰➰〰〰➰


من يعشق الطالات ما يرغب الدون
ومن يشتري الغالي ترفع عن اللاش

وما كل شرب يصح شربه ومضمون
ولا كل زادٍ منه الإنسان يعتاش

والرجل موقف ما هو بهرج وظنون
ولا كل ربانٍ يعوم البحر عاش

أحد طويل ذراع وله قول موزون
وأحد فعل يبريك وليا حكى ماش

واحد لسانه ينفعه وين ما يكون
غطى على الأفعال ولربعه يشاش

وأحدٍ صفر تلقاه غادي و مركون
وليا نخوه الربع من صوتهم خاش

أصناف فيها الناس صاحي ومجنون
كل على قده يبا يفرش افراش

وكل شي له مقدار واضح ومسنون
واللي تعدا الحد يكشح له فلاش

➰➰〰➰➰〰➰➰

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك