ياهاجس الضيقه ترى الدمع حيران=فالبُعد خلّـي قـرّب المـوت ليّـه

كنت اعتقد بالحب مافيـه هجـران=لين الزمـن قدّر بقسوه عليّـه
شفت العيون اللي تسلهم بالانسان=ترميـه فـي سكـّة رداة المنيّـه
عـزّاه ياحب(ن)عايشتـه ازمـان=متربّع(ن)وسط الحشى بلا حميّـه
هجرتني واقفيت نـادم وحيـران=اضرب بكف(ن)كف والحزن فيّـه
وتركتني يشمت بي فلان وفـلان=كنّك عطيت العـاذل اكبـر هديّـه
البعد شين وصاحبه دوم خسـران=والهم يبنـي فـي فـؤاده خليّـه
ولازارني طيفك في بعض الاحيان=يبقى لحبـك فـي خفوقـي بقيّـه
تهزمني العبرات من دون ميـدان=ويلاه يـا خل(ن)تركنـي ضحيّـه
حتى القريب لحالتي صار زعـلان=ودمعه على الخدين يجري شويّـه
كم قلت لي منساك يانور الاعيـان=وتركتني من دون ذنـب وخطيّـه
ياهاجس الضيقه ترى الدمع حيران=فالبُعد خلّـي قـرّب المـوت ليّـه
كنّي بسجن(ن)خالي بدون سجّـان=ولأ عليل(ن)مـا تداويـه كـيّـه
وكنّي فبحر بـلا سفينـه وربـان=تضرب به الامواج في كـل سيّـه
يا الله يا منزل بقدرتك قـرآن=ياواحد(ن)ندعيه صبـح وعشيّـه
ارجيك يارب(ن)عظيم(ن)ورحمـن=تجبر فؤاد اللـي حياتـه شقيّـه
(ناصربن مصلح الاحمدي)=

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله السانك لاهنت
لاهنت

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ووجهك ابيض اخي الكريم

	المشاركة الأصلية كتبت بواسطة الكحيلة

	صح الله السانك لاهنت لاهنت

صح الله بدنك اختي الفاضله وبارك الله فيك
شكرا لك ولمرورك العطر

صح لسانك شاعرنا المبدع