حسرة وشتات السنيني..........

قصيدة بعنوان

(( حسرة وشتات السنيني ))



بقلم / فواز بن محسن الزويهري الحربي
➖〰➖〰➖〰➖
يكفيك من نظرات عينه مكاتيب
عنوانها حسرة وشتات السنيني

عقب الغنا والأمن وصفو المشاريب
صار الفقر ثوبه و عزفه ونيني

ومن حوله أخوانه سوات الأجانيب
عرق الأخوة منقطع فاليديني

ورجال جنبه من كبار الأشانيب
لكنهم عن صرخته غافليني

إن لد يم الذيب ناب ومخاليب
وإن لد يم القرب صدٍ مبيني

ويش حيلته لاكان شاف المراقيب
صارت حطام وعز قومه هويني

واوجد روحه وجد راع المطاليب
حقه في فك السبع ولا له عويني

ولا له سلاح ولا لقاله مشاعيب
يضربها راس الأسد باليميني

واقع مرير نعايشه بالأكاذيب
مات الضمير فقلب به عايشيني

أموات نمشي في حياة الأعاجيب
على جثث أموات طُهر الجبيني

〰〰〰〰〰〰〰

الله يرحمنا برحمته
صح الله السانك
لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة