مرثيه بالشاعر الكبير بدر الحويفي

رحلت يابدر الحويفي وخليت

السمعه العطره وجزل المعاني

والطير وديار القنص والمكاشيت

والطيب بين الناس قاصي وداني

فرقاك ياريف الخوي شايع الصيت

هزة عسى ربي يبيحك كياني

مافيه شك انك عن الحي قفيت

مير العوض في طيبين المجاني

نعم العيال اللي على الطيب ربيت

سلمان وخوانه طوال اليماني

محزم ظفر ماهوم رخوم وسرابيت

اعيال عم ومن نوادر اخواني

تمت وانا بالقلب مثل الدناميت

والدمع لامني نهيته عصاني

رحم الله ابوسلمان وأسكنه فسيح جناته
وصح لسانك وأعتلى شانك عزيزي سعد
تقبل تقديري وأحترامي

امين
وصح بدنك يابن العم

رحلت يابدر الحـويفي وخليت
السمعه العطره وجزل المعاني

الله يرحمه ويغفر له ويتجاوزن عنه
ويجبر عزاء حرب في فقده
شاعر طلعنا على الدنيا وعرفناه من شعره الجزل
صح الله السانك مراقبنا وعظم الله اجركم
واحسن الله عزاكم في الشاعر الكبير بدر الحويفي.

الكحيله
حزانا وعزاك وعزا الشعر
مشكوره على مرورك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك