ماضرنا جمر الرماد ووميضه / ننثر عليه السافيه ونهمدها

ياشلة وجيه الحسد والبغيضه
جتكم مضامين البيوت وعددها
ماضرنا جمر الرماد ووميضه
ننثر عليه السافيه ونهمدها
لوكبرت الشرهه وصارت عريضه
ماطاح ماطرها وبين رعدها
راحت مراويح العجاج ونهيضه
مع جرهد من مرها ماقصدها
مابه سوى لفح السموم وكظيظه
وجوع السنين الممحلات ونكدها
ونصايب اجساد الزمان المريضه
وظيم الفقير اللي عياله فقدها
لازان خاطرها تراها حظيظه
ولا شانت الاوضاع قولوا ولدها
لاصار مايعرف حقوق وفريضه
لا يفتي بفتوى ويخلف وعدها
يراجع دروسه وياخذ نقيضه
ويرتب الا فكار لين يعقدها
مازال هاجوسي على اول ركيظه
ما خالف الهقوه وضيع جهدها
دايم على الجزله بيوته حظيظه
يهيض الساحه ويسعد بلدها


عبدالعزيز مناور الرويثي الحربي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الله الله
صح لسانك ويعطيك العافية
قصيدة جزلة ورائعة

صح الله ابدانكم وماعليكم زود جمبع

لاهنتم