ديوان خليفه محمد المزروعي

الزعيم اللي على وسق الشداد
وفاللوازم ماتأخر عن شداده!!

في ليال الطيب ﻻباس الجداد
يقهر الحسادملبوسه جداده!!

في علوم الخصم نظراته حداد
يعمي الاخصام في نظرة حداده!!

مانعرف الغيب عن حال العباد
العالم الخلاق يعلم عن عباده!!

كل واحد له فذا الدنيا مراد
يشعب اركابه يدور عن مراده!!

البخيت اللي من الطيب استفاد
لالقيله فرصة ن زاد استفادة!!

ان زعل عن صاحبه بالعفو جاد
عن دروب الخير ماوخر جواده!!

ون صدف معروف للمعروف زاد
راعي الطالات كساب الزياده!!

والكلام الزين لونه يعاد
ماتأثر فيه تكرار اﻵعاده!!

وكل مايبنا على ساسه يشاد
والنتيجه يوم يكمل فالاشاده!!

يسعد البناي حره والبراد
في شتاهم حر وفي صيفه براده!!

!!!خليفة المزروعي !!!