رد الجمايل

،،، أهدي هذه القصيدة في حفل التكريم ،،،
في ليلة الوفاء لرجل العطاء الأستاذ معتق مستور البشري مدير مدرسة الهنية بالشامية الابتدائية الذي أمضى فيها ثلاثون عامأ
بمناسبة تقاعده بعد تأديته للرسالة التربوية والتعليمية على أكمل وانتهاء مسيرة بالبذل والعطاء
حقق من خلالها الأهداف المنشودة للدين والأمة والوطن
الأستاذ سالم علي البشري

ابـتدي باسم الإله اللي خلقني واستعـين=الله المعـبود سـبـحــانـه ولاغـيـره أحـد
واحمده حمد العباد الشاكرين الذاكرين=ربنا المنعـم عـلينا وحـده الفـرد الصمد
واســألـه إنّـه يوفـقـني إلـه العالمـــيـن=وابلـغ الـغـايه بفضله بعد ماحان الوعد
وغايتي رد الجـمايل يالرجال الطيبـين=مايخـيـب اللي على ربه توكل واعتمد
ياسـلام الله عـليكم كلـكم يالحـاضـرين=ردةٍ مـن بـال صـافـي مـالها حـد وعـدد
جـيت للمحفل مـشارك يا عساربي يعين=هذه الليله وشعري مكتسي ثوب السعد
اطرقي باب المعاني ياهجوسي تسلـمين=واقطفي صفوة حروفك حفلنا نجمه صعد
فيه تكريم لمسيره عاشها معتق سنـين=طـيـلـة عـقـودٍ ثلاثه باذلٍ فيها الجـهد
عاشها فصـرح الهنيه معلم وقائد أمين=اجتهـد ربّـى وعـلّـم ماتهاون أو قـعـد
وبعد ماإخذ الإداره قادها بعقلٍ رزين=وارتفع اسم الهنيه كل من شافه شهد
فيه طيبه فيه شـدّه فيه حزم وفيه لين=فيه حنكه فيه حكمه يمتلك صبر وجلد
جامعٍ زين الطبايع فوقها تقوى ودين=حقق أهـداف الرساله جد فيها واجتهد
خرج أجيال عديده للمعارف حاملين=كان أبو خالد بعد ربه لهم عـون وسـند
وكلنا الليله في حفله بالشكر متقـدمين=باسـمي وباسـم الأهالي كلهم أبٍ وجد
وشكر من أهل الهنيه مقدمينه أجمعين=بعـد مـاأدّى الأمـانه وكل بابٍ فيه سد
واختم أقوالي بصلاة الله على الهادي الأمين=أحمد اللي نص اسمه في كتاب الله ورد

صح لسانك مليون يابن العم

طولت الغيبه علينا

بيض الله وجهك

صح لسانك مليون

بيض الله وجهك على القصيده

صح الله لسانك و بيض الله وجهك

قصيدة رائعه ومن شاعر جزل

تحياتي

اخوك

صح الله لسانك



دائما وانت مبدع بشتى المجالات




تحياتى

	المشاركة الأصلية كتبت بواسطة أبوليلى

	صح لسانك مليون يابن العم طولت الغيبه علينا بيض الله وجهك

صح بدنك ياأبو ليلى
اللي مثلك يعذر
أسعدني مرورك يابن العم
تقبل تحياتي وشكري وتقديري

	المشاركة الأصلية كتبت بواسطة بن فرهود الحربي

	صح لسانك مليون بيض الله وجهك على القصيده

صح بدنك يابن فرهود ولاهنت
أسعدني مرورك الكريم ياراع الأوله
تقبل تحياتي وشكري وتقديري

	المشاركة الأصلية كتبت بواسطة سالم الفريدي

	صح الله لسانك و بيض الله وجهك قصيدة رائعه ومن شاعر جزل تحياتي اخوك

صح بدنك ياالسمي ووجهك الأبيض
هذا من ذوقك
أسعدني مرورك
تقبل تحياتي وشكري وتقديري

تبقى انت من الرائعين

بيض الله وجهك

وصح لسانك

نص جميل ورائع وشاعر متمكن

تقبل مرور ووافر تحياتي

اخوك

	المشاركة الأصلية كتبت بواسطة بندر الحربي

	صح الله لسانك دائما وانت مبدع بشتى المجالات تحياتى

صح بدنك يابندر وهذا من ذوقك
أسعدني مرورك وتشريفك
تقبل تحياتي وشكري وتقديري