ثبيت راس العز .........حفل الثبته من عتيبة

السلام عليكم

مشاركتي في حفل آل عيدان من الثبته من عتيبة في مدينة الطائف

....

عنوان القصيدة :(( ثبيت روس العز) )

بقلم / فواز بن محسن الزويهري الحربي

✒✒✒✒✒✒✒✒✒



محلا القصيد اليا بدع في اهله
تقبل حروفه مقبل المنقيه

الزين غالي والكفو بيضله
ولا يوسمه بين العرب فقريه

هاضت هجوس الشعر لهل الحله
الحلة اللي بالكرم مطريه

حتى المعاني تقندت بالدله
ما دامها في ثبيت تلفي حيه

ثبيت روس . العز منهم فعله
عزوة عتيبه في نهار الهيه

تاريخ حافل ما انتقضله فتله
فتلت صليف الراس تشفي كيه

ولاهي غريبه السيف يامن سله
دامك عتيبي ..طمعتك مقضيه

عتيبه الهيلا رجال المله
كعامة العايل صعوطه غيه

وقفاتهم مع الإمام امجله
فمحارب الإشراك والبدعيه

هذا الفخر غيره تراه بخله
يهل التفاخر افخروا في زيه


وأخص في ذالليل مزن وبله
الغادق الراوي من الوسميه

أعنيبها رداد و منهو مثله
ثعول خيره تروي البريه

وعياله اللي فاللوازم ثقله
ومنهو ركا بطويق في جاهيه

الطيب بين الناس مثل العمله
والصرف فبنوك الوفا المرعيه

وأكبر دليل الطيب هذي الحفله
حضورها نجوم السما العلويه

في ليلة للعود بخر يفله
والزهر يشذى عطوره الزهريه

جينا نبارك والفرح نقبله
بقلوبنا فاليلة العذريه

مبروك يا عصام وعلي اي والله
ومبروك يا طالع حياتك ذيه

عسا السعد يقدم عليكم كله
ويمدكم ربي برضا الذريه

قلته وانا من حرب رمح الدولة
ومنهو تجاهل حرب عقله شويه

لا ذكروا الابطال حرب الاوله
ولا ذكروا الايام هي مرويه

أهل الثلاث المعجزات نقوله
وأقوالنا بافعالنا محميه

زويهري حسب السواير دله
ينقى الحروف الغاليه العاجيه

وأعداد مالعقرب مطرها تهله
صلوا على أحمد صاحب الخيريه

✒✒✒✒✒✒✒

صح الله السانك لاهنت
والنعم
بالجميع
دام ابداعك

	المشاركة الأصلية كتبت بواسطة الكحيلة

	صح الله السانك لاهنت والنعم بالجميع دام ابداعك

صح بدنك شاعرتنا الكحيلة

صح السانك وبيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة