رد الشاعر والاعلامي بدر العياضي

وصلتني غزايز نادره كلها نوماس =
= من النادر اللي منزله عالي شانه
هلا مرحبا ترحيبة مالها مقياس =
=ببوتركي البيطار صح الله لسانه
هلا مرحبا اعداد ماذعذع النسناس=
= هلا بالذي به لابتي دوم ربحانه
يوم أن الثعالي قدمنا حدت الاضراس =
=تعزوا بحرب واعتلى صهوة حصانه
وخلى الثعالي روسها بالوغى تنداس =
=شجيع وميدان الظفر دوم ميدانه
يشرفني انه مرسل لي درر والماس =
=من الهاجس اللي راجح كف ميزانه
انا ياعريب الجد بذكر لك الاحساس=
= بشعوري تجاه الوقت لاهلت امزانه
بقصة ابو نواس واللي طبخ له فاس =
=وطق الحنوك اللي من الصدق عريانه
عليهم ضحك من دس سمه بوسط الكاس =
=وكلٍ شرب والحق واضح بعنوانه
عقول تصفق فارغه مالها اجناس =
=تحت شجرة المسكين غنوا يادان دانه
يبون الثمر لكن عروقها يباس =
= من فعول ابو نواس عريا وذويانه
يدق الطبول وتجتمع شلة الفسطاس =
=تحت شجرته وابليس ياكثر ورعانه
بنوك الفلس بكره تبا تعلن الافلاس=
=وينبيك عنها مصدري لحظة اعلانه
بعد تنكشف لعقولهم قصة البلاس=
= وتصحى العيون اللي بالاوهام غرقانه

صح السان قايلها وبيض الله وجه ناقلها

صح لسان الشاعر بدر االله يعطيه العافيه

ومشكور على النقل يابوتركي

صح الله لسان الشاعروالإعلامي /بدر العياضي وصح لسانك ياابوتركي على
قصيدتك الموجهه للعياضي وتسلم على نقل رد العياضي . وتحياتي للجميع .

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت