ماعاد ندري منهو اللي على حق / ولاعاد ندري راجح العقل وينه

صبحكم الله بالخير




ماعاد ندري منهو اللي على حق
ولاعاد ندري راجح العقل وينه
راحت كما المسمار يحتاج له طق
اما انعوج والا عسى الله يعينه
ياهيه لامني زهمتك علي لق
ترى التجاهل عندي اكبر غبينه
لاتقول ماتدري عن الحال وتنق
خابرك مالك فالمخاليق عينه
مغير اخيط لك من العام واشق
وادمح خطاك اليا لفاني ابحينه
وانته مغير تدربي الهرج وتدق
وتقول انا المشتاق وانته لعينه
اما تعال وخل الاوضاع تنرق
والا توكل والعوض محترينه
يامودع قلبي طواريك قم سق
واركب على موج البحر والسفينه
من لايقدرنا على الهون ينطق
يجلس مكانه لين يقضي حنينه
حنا بلشنا بين غايات وذوق
واثر الغلا المعروف داره حصينه


عبدالعزيز مناور الرويثي الحربي