جر العوى لاضاقت الدرب ياذيب

--
السلام عليكم ورحمة الله وبركاته
--
--
--
--
--

ياذيب اقنب فالدروب الفسيحة=وجر العوى لاضاقت الدرب ياذيب
ولا تلد في هيت يلوب النطيحة=وانت قراك الحيل عند المعازيب
ياذيب دنيا العبد ماهي مريحة=لفت رحاها مثل لف الدواليب
لكن تريض ودي اعطي نصيحة=نصيحة ما تجيبها شمخ النيب
حذراك عند عداك سرك تبيحه=لو احرموك الزاد بين السراديب
الجوع شين ولكن اكبر فضيحة=سرك تبيحه عند ناس اجانيب
وقد قالها لافي في جملة صحيحة=(الناس ماهي باللحى والاشانيب)
يغنيك عن شايب علومه قبيحة=شب اديب يهذب الحرف تهذيب
والعرف ماهو مثل راس الذبيحة=يصك واجب عند اهل المواحيب
العرف مثل العود من دون ريحه=مايثمنه هلفوت مايشري الطيب
وسيف تصدع به حروف القريحه=بين العقول الصاحية والمعاطيب
وياذيب لا تجرح نفوس جريحة=لو كان ماحصلت منها مكاسبب
يغنيك عن صحبة وجيه شفيحة=وجيه الرجال الطيبين الهناديب
والناس ماتحمل وسوم صريحة=تبين الصاحي وراع العذاريب
يا ما و جيه في عيونك قبيحة=تنزل الصاحب بروس المراقيب
و ياما وجيه في المرايا مليحة=ماتثمن الصحبه ولا تعرف العيب
ماكل واحد طاب لك طاب ريحة=بيض القلوب تطيب والسود ماتطيب
وبيض القلوب توالف اللي نصيحة=والسود ماتوالف قلوب يها الطيب

كيف ي محمد
جرالعوى ﻻضاقت الدرب ي ذيب
الدرب مذكر وﻻ ضاقت مأنث

صح لسااااااااانك

	المشاركة الأصلية كتبت بواسطة المطوع

	كيف ي محمد جرالعوى ﻻضاقت الدرب ي ذيب الدرب مذكر وﻻ ضاقت مأنث

المؤنث الحقيقي من اجناس الناس والحيون اما مؤنث
معنوي او مؤنث لفظي اما غير ذلك فهو مؤنث مجازي
مثل ضاق او ضاقت الدار .. الطريق واسع او واسعة
ولك جزيل الشكر على المشاركة

اديبنا وشاعرنا القدير
محمد سعد اليوبي
صح السانك لاهنت

ولاهان مقامك

الشاعر
محمد اليوبي
صح لسانك

صح لسانك لاهنت

صح السانك وبيض الله وجهك

	المشاركة الأصلية كتبت بواسطة الكحيلة

	اديبنا وشاعرنا القدير محمد سعد اليوبي صح السانك لاهنت ولاهان مقامك

الشاعرة كحيلة حرب ماعليك زود وصح بدنك

	المشاركة الأصلية كتبت بواسطة سعد المحمدي

	الشاعر محمد اليوبي صح لسانك

ابو تركي
الله ان يصح بدنك