( ضروف الوقت ) قصيده موجّهه إلى الغالي / فوّاز بن محسن الزّويهري

/
/
/
/
/
/
/
/
/
/
/
/
/
/
/
/

ضروف الوقت زادة همّ راع الودّ يافوّاز=وحال الحال مايسرّك ضروف الوقت قهريّه
نشوف الميل بانواعه يشبّ النّار دون القاز=وراع الودّ من وقته عليه اضغوط نفسيّه
وكيف القى سلا روحي لصار الوضع ماينجاز=اوعزّ النّفس لي منهج وهيّه فيه معنيّه
مضالي وقت قاضي جهد ضاع الجهد دون انجاز=وضاق الجوّ في نفسٍ من اللوعات مهريّه
ولاياسع وسع ذالكون لو وسعه عجب واعجاز=على من قدّم الحسنه ويجزا ضعفها سيّه
ولا اضيّع رجا نفسي واملها بكلّ ماتعتاز=على اللي فارض الرّكعات سرّيه وجهريّه
عطيتك علم وآعرفك تحلّ الصّعب فاللاغاز=وانا مصفّي لك النّيه واعرفك صافي النّيه

الشّاعر/ خالد بن عبيد بن معتوق ألأحمدي

صح السانك وبيض الله وجهك

تسجيل تواجد في منبر الجزاله
صح لساانكـ
بيض الله وجهك

نديم المجره
سعدت بمرورك
لاعدمناك

لفاني خط من صاحب كريم الطبع معه ايعاز=وفيه رموز وشفرات الموده جات سريه
تقول الوقت ياخالد لفا يعكز على المعكاز=خلف مجرا الهوا عنك مابين الشمس والفيه
وأقول الوقت ياخالد عليه انت حكم تمتاز=بفكر ..توظف الأزمات فظروفك بريحيه
تكيف بل تولف للولايف احرز المحراز=ومهما عسمت فالجو تلفي رياح مجليه
ترا وبل الحيا يسبقه برق وراعدن فزاز =بعدها للمفازة انبوت عقب الري عطريه
وعقلها وبعدها بالتوكل أجعل المركاز=حذاري تقول قطعت الحبال اللي بها يديه
مادام الموت ما غرك توهب للفرص نهاز =حياة المرء فرصة وقت يسعد من عرف ضيه

لفاني خط من صاحب كريم الطبع معه ايعاز
وفيه رموز وشفرات الموده جات سريه
تقول الوقت ياخالد لفا يعكز على المعكاز
خلف مجرا الهوا عنك مابين الشمس والفيه
وأقول الوقت ياخالد عليه انت حكم تمتاز
بفكر ..توظف الأزمات فظروفك بريحيه
تكيف بل تولف للولايف احرز المحراز
ومهما عسمت فالجو تلفي رياح مجليه
ترا وبل الحيا يسبقه برق وراعدن فزاز
بعدها للمفازة انبوت عقب الري عطريه
وعقلها وبعدها بالتوكل أجعل المركاز
حذاري تقول قطعت الحبال اللي بها يديه
مادام الموت ما غرك توهب للفرص نهاز
حياة المرء فرصة وقت يسعد من عرف ضيه

صحــت السنتكــم
دمتم برعاية الله وحفظة

صح بدنك وسلم غاليك