مابيع راع الطيبه لاشراني

قدم الضيوف الحاضره والمعازيب= في ماقفٍ يرفع مكاني وشاني
يالله جملني وجمل هل الطيب = واجعل لنا من نور هديك بياني
يعالم الاسرار ياساتر العيب =علام ماب القلب خلف الحواني
من بعد ذكر المعتلي عالم الغيب= يهاجسي عجل بجزل المعاني
جيب الثمين وراتب القاف ترتيب = باللي لهم بالقلب قدر ومكاني
ذباحة للضيف حرش العراقيب = وساع الصدور مشيدين المباني
صماعره من طيبين المجاذيب= عزوه لها بين القبايل كياني
صغيرهم واللي كسا راسه الشيب=راعي وفاء ماهي علوم وتماني
مابه وسيدي مايعرف المواجيب= لطيبه يصهل صهيل الحصاني
رجالهم ماهو قريب محاضيب =على الجماعه والخوي والعواني
اكرام مافيهم عفون وزواريب=خيالة البلهاء طوال اليماني
وان شان هرج اهل النمش والمحاديب=ترعى الخطير في مرهفات السناني
فوق السبايا تدب الخصم تاديب=وياما ثنو من دون حرش الثفاني
وان صبحو للبل ديار الاجانيب =تجيب وضح من عداها سماني
مقدامهم قرمٍ مضت له تجاريب =الشيخ عبدالله عريب المجاني
ماجاته الشيخه هديه وتنصيب =ماشيخته عامين والا ثماني
راعي قديمه دون شكٍ والا ريب=معروف عند الناس قاصي وداني
رجال هرجه لاهرج جزل ومصيب=للطيب رمز واللخطاء مايداني
هداج تيماء بالسنين المجاديب= لاشح في ماله خطات الهداني
مبغى ورى ذكر الحقايق مكاسيب=هذا الصحيح اللي عليه الضماني
شاعر وليه نهج واضح واساليب =وعادات وسلوم العرب ماتخفاني
وراع الوفاء والجود حنا له انجيب =واجب نلبي دعوته لادعاني
مالي عن دعواه عذر ومجانيب=مابيع راع الطيبه لاشراني
لو دون داره تطلع الشمس وتغيب=وممشاي مابين الخطر والاماني
شرواك يامحمد عطيب المضاريب=يراعي النخوه وسيع البطاني
اكمال دينك سر كل الاصاحيب= في ليلةٍ تشداء لعيد الرمضاني
من كل حدب وصوب جينا جناديب=لك يامحمد رافعين التهاني

كفو ياراع الوفاء وراع الطيبه يستاهل ونعم الف بك وبربعك وباهل البلها وبحرب
صح لسانك لافض فوك

السلام عليكم ورحمة الله وبركاته


صح السانك يا بو تركي. شاعر تفخر قبيلة حرب انك من افرادها. شاعر كبير وللقبيله درع
ولا تبخل على ربعك. بيض الله وجهك. يا بوتركي. صح السانك. مليون

ماقصرت وبيض الله وجهك وصح السانك ياشاعرنا الكبير/سعد المحمدي
وفيت وكفيت وابن صميعر ونعم وربعه ربعنا الوسده يستاهلون المدح والثنا
والله يوفق الجميع .. وتحياتي أيضاً للجميع.

	المشاركة الأصلية كتبت بواسطة صلاح الحيسوني

	كفو ياراع الوفاء وراع الطيبه يستاهل ونعم الف بك وبربعك وباهل البلها وبحرب صح لسانك لافض فوك

مشكور يابن العم
شرفني مرورك
الله يبيض وجهك

شاعرنا الكبير / سعد المحمدي

بيطار الجزالة
لاجديد الا المزيد من الجزالة والابداع
صح لسانك واعتلا شانك
وبيض الله وجهك
لا عدمناك

تقبل مروري وازكى تحياتي

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة خالد الحصني

	السلام عليكم ورحمة الله وبركاته صح السانك يا بو تركي. شاعر تفخر قبيلة حرب انك من افرادها. شاعر كبير وللقبيله درع ولا تبخل على ربعك. بيض الله وجهك. يا بوتركي. صح السانك. مليون

ماعليك زود
يابو موسي
شاعر كبير لك حضورك المميز في محافل القبيله

	المشاركة الأصلية كتبت بواسطة سند العريمه

	ماقصرت وبيض الله وجهك وصح السانك ياشاعرنا الكبير/سعد المحمدي وفيت وكفيت وابن صميعر ونعم وربعه ربعنا الوسده يستاهلون المدح والثنا والله يوفق الجميع .. وتحياتي أيضاً للجميع.

صح بدنك يابو سعد
شرفني مرورك
الله يبيض وجهك

	المشاركة الأصلية كتبت بواسطة تركي مرزوق العوفي

	شاعرنا الكبير / سعد المحمدي بيطار الجزالة لاجديد الا المزيد من الجزالة والابداع صح لسانك واعتلا شانك وبيض الله وجهك لا عدمناك تقبل مروري وازكى تحياتي

ماعليك زود يابو فيصل
شرفني مرورك
الرااااااائع
بيض الله وجهك