هذا زمان العولمه واللواعيب

[center]

مانجهــل الــدنــيــا .. ولانــعــلــم الــغــيـــب
مــيـــر الـــزمـــان الـــيـــا تــمــايــل .. تــمــايــل

تـصـيـب بـعــض أحـيــان .. وأحـيـانـاً تـخـيـب
وأنـــــت اعـتـبـرهــا مــثـــل كــبـــوة أصـــايـــل

نمـشـي عـلــى درب الـكــرم .. والمـواجـيـب
ولاشــكــيــنــا مــــــــن ســــمـــــوم الـــقـــوايـــل


لــــو الـبـشــر مــــا هــــي تــحــب الأصـاعـيــب
مـــاكـــان عـــاشـــت فـالــجــزيــرة .. قــبــايـــل


الـطـيــب مــــا يـعـنــي تـجـنـابــك .. الـعــيــب
الطـيـب .. كـيـف تـطـول .. روس الطـوايـل

أقـســى طـعــون الـضـيـف طـعـنـة .. مـعـازيـب
لا مــــن غــــدت بــيــن الــــردى والـتـحـايــل

يـــا صـاحـبـي والــحــزن شــيــخ الـمـحـاديـب
تــحــت أمــــره تــقـــوم وتـطــيــح الـحـمـايــل

تـــــرى الــكـــرم يـســتــر كـــبـــار الــعــذاريــب
وتــــرى الـبـخــل يـقـطــع يــديــن الـفـضـايـل

مـن شفـت نـاب الذيـب فــي جيـفـة الـذيـب
آمـــنـــت بــــــأن أهــــــل الـــمـــروّة قـــلايــــل

لا صـــرت مـــا تـضـمــن قــلــوب الأصـاحـيــب
جــنّـــب قــبـــل تـلــفــي عــلــيــك الـفـشــايــل

أحــد(ن) إذا مـديـت لـــه طـيـبـك .. يـغـيـب
مــاتــمــلـــي عـــيـــونـــه كــــبـــــار الــفــعـــايـــل

وأحد(ن) .. يموت إن كان سويت بہ طيب
يــــخـــــاف مـــايـــقـــدر يـــــــــرد الــجــمــايـــل

ابيات ارسلها لي واحد من زملاء العمل وطلب مني مجاراتها اعجبتني البيوت وقلت حاضر بس من هي له القصيدة فقال لواحد من خوالي قلت له خالك ماله اسمه قال اسمه راشد قلت له خالك من أي فرع من قبيلة يام قال خوالي عمامي ....طبعا بحثت عن القصيدة واخبرته ان القصيدة للشاعر صلاح العرجاني العجمي اليامي واخبرته بالامر وقلته له المجاراة جايه مثل ماوعدناك وقال والله ان خاله ارسلها له وظن انها له وذكرت له ان يجب ان يتحقق الشخص ان لاينسب شىء لغير اهله....

المجاراة على الابيات السابقه


يا مرحبا ترحيبتن ما بها ريب****يا مرحبا ماهل وبل المخايل

يا مرحبا ما تطلع الشمس وتغيب****يا مرحبا ما سال من السيل سايل

دنيا تخيب احيان واحيانن تصيب***ويا بعد ديرة يام من دار حائل

يا صاحبي دنياك فيها تعاجيب****جانا زمانن فيه كل الهوايل

تصعب على الطيب لذيذ المشاريب****واهل الردي ذاقوا قراحن زلايل

اهل الوطا يرقون روس بالمراقيب****وهل المعالي بين حفور ونثايل

احدن يعيش الطيب وسط اللواهيب****واحدن تعمق بالردي بالخمايل

احدن على راسه تشال المشاعيب****مثل الغريب اللي عمله عمايل

والرأي وأهل الرأي وأهل التجاريب****ما حدن بغاهم في جميع المسائل

دنيا بها شاخت صغار الدغاليب****من زاد ماله صار وافي خصايل

واللي تعلا مركزه بالمناصيب****ماله وصيف ولا يجيله مثايل

هذا زمان العولمة واللواعيب****ضاعت سلوم الناس والوقت مايل

لاشك يبقي الطيب رأس المكاسيب****والطيب لأهل الطيب والشك زايل

[/center]

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك ولسانه

الـطـيــب مــــا يـعـنــي تـجـنـابــك .. الـعــيــب
الطـيـب .. كـيـف تـطـول .. روس الطـوايـل

تصعب على الطيب لذيذ المشاريب... واهل الردي ذاقوا قراحن زلايل

صح لسانك ولسانه على الابيات الجزله
دمت بخير

صح لسانك ولسانه واعتلا شانك وشانه

بيض الله وجيهكم

ما قصرتم

تقبل مروري وازكى تحياتي

صح لساانكـ وبيض الله وجهك

صح لسآنك ولسآنه

على هالأبيآت الجزله

دمتم بحفظ الله ورعآيته

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

الحب الباقي

صح بدنك
ووجهك ابيض
والله يعافيك
وكل التقدير للمرور ونبيل الشعور

صحــت السنتكــم
دمتم برعاية الله وحفظة

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\