ديوان خليفه محمد المزروعي

قدامنا عنتر شكى حب عبله=ومن بعدهم قيسن شكى حب ليلاه
ثم الوليعي بعدهم ضاع شمله=حتى رمى نفسه من اجبال رضواه
وتلومني في ودهم ليش يبله=عساك ماتسلم بلاويه ياصاه
واشوفكم ناشب مكتف في حبله=تشكي هواذينه وتشكي بلاياه
حتى تعرف الود مافيه شتله=اليا ابتلا راعيه ضاعت مزاياه
ياكم من عاقل غدا منه عقله=وعمي البصاير كلها من سواياه
ياليتني تايه وغافل في غفله=لاجيت في دربه ولااعرف حلاياه
والقلب عن كل المخاليق اعزله=واعيش وحدي واطلب الرب في رضاه
هاذا مناي ولالناغير شبله=لاكن ماكلن لقا ماتمناه
للود ولله فالمخاليق صطله=اسأل مجرب كان ماذقت بلواه
هاذي ردودي لك جاتك بعجله=هيضتني بالحرف ياراعي الشاه

اكبر مصيبه كلمت الضيف فزعتك=في شي لاعندك ولافيه حيله
تبغى تجمل مير ياصعب حيلتك=العين تنظر والمراقي طويله
لوكان عذرك في صديقك يجملك=في داخلك قاله وحاله ثقيله
لابارك الله في خطاوي تعثرك=وتحيل مابينك وبين الجميله
ان كان متظهر مع الناس وقفتك=قبر النفوس ولا حياتن ذليله
وان كان منته محتزم وقت شدتك=يضحك عليك المرتخم والهبيله
ذالوقت مالك عز حالك وهيبتك=من دون مالك مالكم من وسيله
بالمال وقفتكم وبالمال عدتك=والعلم واضح مايعاوز دليله
والمعرفه لاشك مكسب صداقتك=عرف الرجال اهل العلوم الجزيله
والدين اساس الخلق لاشك لاشك=هو خوتك لالحفوك النثيله
خله معك هو ديدنك في معيتك=من وفقه ربي عطاه الفضيله
واختامها هاذي تراهانصيحتك=من عند غالي وتخذها وسيله

لاشفت خلك له كثير الهواديف=صعبن عليك توقفه عند حده
لا تحط راسك للعضى والمجاديف=في شي ماعندك له اسلاح ضده
ماكل ماتصدر تعود مناكيف=بعض الصوادر مالها فيك لده
لاتقول هاذي من حسين التواصيف=مالك ومال مطرحات ألأشده
اللي لياضاقت عليك المحاريف=طشت عليك أشدادها فوق عده
علة نحر لاجات بعض الصواديف=وماتعمله في سنين فوقك تهده
خلك مع اللي مقدرات التكاليف=اللي في لازمها هنوفن تسده
طيبه وعزة نفس عند المواليف=وفلة حجاج وللقبل مستعده
ماتشتكي من ضايقات المصاريف=وعميلها في الله دايم توده
حره توايق فوق روس المشاريف=وان جاء نهار الضيق طيبك تعده
هاذي نصيحه لك ماهي تصانيف=من واحدن جرب من الوقت شده
والخاتمه فكر في حسن التصاريف=وعلمن يجيب الخير بالفعل بده

حمد جعفر الشيخ=
اضحك وسلى خاطري والخوافي=يعلمبها اللى مطلع كل اﻻسرار
في ظاهرى مبصوط والجوصافي= اما الحقيقه ماتشاهدبلبصار
ﻻهي نهاري ماعليه خلافي =مع الأجاويد التقي واخذ اخبار
لاكن ليلي مقبلات ومقافي =افكار تاخذ ﻻقريبات اﻻسحار
خليفة المزروعي=
يكفيك منهو للمخاليق كافي=اللي خلق جنه وفي جنبها نار
دنياك مادمت لحين عوافي=ونته ذهين ويمها لد الأنظار
ياخوك ولله ماعليها حسافي=وين الذي من قبلنا قوم الأشوار
مادام مسلم لك علاج ومشافي=خلك مع القرأن مع لزم الاذكار

ياجاهلن عني بعلمك درسي=درسن يعلمك الشعر بالموازين
اما على مثباك تثبت وترسي=ولا تقفي مع جموع المقفين
ياكم قلعنا منك نابٍ و ضرسي=وياكم كفينا لكم من مواعين
ليه على شرواك ميسم وحسي=وليه عليكم حكم حكم السلاطين
ليا بدعنا القاف بالطيب مكسي=الا ليامنا نصونا شياطين
للكلمه اللي حق مافيه دسي=اقولها بالكاش ماقولها دين
كلن مقاسه يلبس الثوب لبسي=مانلبس الا لبسنا بالبراهين
ماهو كبر سويت شعري بهجسي=بغيت اوضح للخبول المساكين
انا ولد مزروع نبضي وجسي=لزبيد حرب وللحروب الشياهين
حبي لوجه الله ماهو لكرسي=ولاني من اللي يتبعون المقفين
وحبٍ لغير الله بالعون منسي=من قبلنا قالوه ويقال لا الدين

حذراك لاتغلط في شعرك يبو زيد=ترا الغلط ممنوع بين النشاما
اقوال خلق الله عليها شواهيد=في حلها ياخوك ولا الحراما
خلك ليا منك بدعت المراديد =ماتبدع الا من علو الغماما
وليا سبحتو في بحور القواصيد=تلزم جزيلات المعاني لزاما
واللي على الهدات ميضوي الفيد=وجود مثله ينحسبلك غراما
والبندق اللي ماتسددتك تسديد=لوعلقت بحزامها ما تساما
ان كان محددت لشعر تحديد=قالو على شعرك عليه السلاما
والشعر مايطلق كذا يالصناديد=الشعر له وزنه وفن ونظاما
هاذي حقيقه مؤكده لك تأكيد=تلقى خبرها لانشدت النشاما
والعلم واضح مايعاوز لتزويد=كثر الحكى من دون زبده عداما
تميتها وسجلتها ا ف دفترالقيد=وارسلت صورتها لكم بالسلاما

ارجوك لاتزعل ولاتكون زعلان=ميهون عندي يالوضيحي زعلكم
انا من اللي فالمواقيف كسبان=يعلمبي اللي يالوضيحي خلقكم
ابغى اتجمل بس فالناس شيطان=ممكن يسوي ماينزل علمكم
بعض المواقف يطلع العذر سلطان=اخير من قاله تخرب وصلكم
ابدي لك المعذار ماني بندمان=عاقل واعرف اللي يناسب طلبكم
العقل زينه عند شايب وشبان=واخذ النصيحه بعد مني نصتكم
لاتامن الدنيا وفالخلق مكران=مكار يضحكلك وينصب قفصكم
خل العقل قدوتك قدام الأ عيان=وابعد عن اللي حفرته لعثرتكم
تمت بعون الله وانا كحيلان=ماهمني فالطيبه معرفتكم
من لايقول الحق فالناس خوان=اقولها لونها زعلتكم
ونكان بندقكم على غير نيشان=عزالله ان ازروفها خسرتكم
قصيدتي فيها شواهد وبرهان=وياللأسف لن كان مافهمتكم

خليفة المزروعي بمعرف امير المشاعر 1/5/1435هـ

(قبيلة ألأصحاف في اغران)

عد الحجيج وعد من فالحرم طاف=سلام منا للوجيه النقيه
ان كان شعري ماذكر طيب الأصحاف=ابطله من صبح والشمس حيه
العزوه اللي تحتمي كل ميقاف=لاجاء نهارٍ فيه روحه وجيه
اهل الشجاعه والكرم واهل الاعراف =عزوة زبيد وفالمواقف جريه
دخيلهم ميضام من حكم الاشراف=يوم المعارك واليال القسيه
تشهد مواقفهم نهار الزمن جاف=يوم الخوي من جد يفقد خويه
واليوم في عهد السعودي والأنصاف=انجوم تقدح فالسماء كوكبيه
اخليص يشكركم على كل مشراف=ياهل الفعايل والعلوم الوفيه
ياغران لك بصمه من الطيب تنشاف=ومن ينكر المعروف نفسه رديه
الواضحه ماشي على الواضحه اخلاف=اقولها والكل يشهد عليه
اناولد مزروع اعد الانصاف=الحق والأنصاف مطبوع فيه
وصلاة ربي عد مافالشجر صاف=عليك ياصفوة جميع البريه

خليفة المزروعي في 9/5/1435هـ

تغلط وتستسمح وانا اقول مسموح=واسترجع افكاري انا ليش سامحت
ماهو بأول جرح عقبتو أجروح=وياما من جروحك شكيت وتألمت
معقول ابديكم عن الحال والروح=وبكل مافيني لك اليوم سلمت
احتاج مع نفسي مردات بوضوح=اما رجعنا خلف ولاتقدمت
معاد فيه للمواجيع والبوح=واجب بعد ياصاحبي طول الصمت
ماضن بعد اليوم نحتاج منصوح=منكثر ماشفنا عرفت وتعلمت
فالود لاتبني خيالات واصروح=وحذر تورط لو بقربه توهمت
منهو طرح نفسه مع الناس مطروح=وتشمت بك العربان لو ماتشمت
اخذ الطريق اللي من الشوك مبروح=وابعد عن اللفات لامن تولمت
خلك ذهين وفالنظر طايل اشبوح=وإرد العدود المرويه لا توردت
من شان مالي في هوا النفس مصلوح=عيد النظر ياقلبنا لو تكرمت
مافالوداد افراح وتروح وفسوح=خلك بعيد وكون راضي بماقلت

ّ لاتغيرك الحميه ثم ترميك رميه=رمية اللي بعينه مايشوف الدروبي
انت رجال عاقل منت صوره ودميه=تعرف الجد جد وتعرفون اللعوبي
وسع الصدر دايم للاجاويد عنيه=وإحذر اتكون سبه للفتن والشبوبي
خل بنيك عدال ان كان نيتك بنيه=خل فالطيب ذكرك شامها والجنوبي
والحذر زلة الرجال خضعه وحنيه=ويوخذ الحق منكم طيب ولا غصوبي
وان خصمت اخصمو بالعدل والنفس فنيه=اعرف انك محاسب في نهار محسوبي
واحذر الظلم للمضلوم نصره ومنيه=ينصره ربنا من كل ظالم غضوبي
ون حكملك بحق احذر ترا حكم دنيه=راجع النفس واعرف مالكم من كسوبي
يمكن انك فصيح السان بنيتك بنيه=وخصمكم من جهل حقه غداله ذهوبي
احذر افيوم توقف دون منصب وكنيه=تحتكم عند رب الكون كل الخطوبي
كل شامخ يجيله فالمخاليق ثنيه=حكمة اللي خلق بعد الشروق الغروبي