سلامي على الطيب // مطلوب سعد المحمدي

	الطالب سلامي على الطيّب سلامي على الحضار = ومـاصــار فـلّــه واجـمـعــه واســــر يــاســاري الى ياسعـد وش عـاد باقـي عقـب ماصـار=عـن الضيّـق يازيـن السعـه واسـر ياسـاري سعد المحمدي هلا مرحبا يالشاعر اللي مع الشعار=يحب العلـوم المقنعـه واسـر ياسـاري بعيد النظر وقت الصعيبات مايحتار=يجنـب علـومٍ توجعـه واســر يـاسـاري الطالب يدوم البقاء واهل الوفاء ماعليها اغبار =ماترضـا بكثـر المعمـعـه واســر يـاسـاري ياشـاعـر قبيـلـه يـمّــك تـنـاظـر الانـظــار =ماهـي للعيـون المدمعـه واسـر يـاسـاري سعد المحمدي كلامـك صحيـح وكـل سلعـه لهـا تجـار=وصلك الخبر من منبعه واسر ياساري انـا ودي انـك ماتجنـب عـن المضـمـار =وتترك طريـق المجمعـه واسـر ياسـاري الطالب اليا طال شبرك لاتحطه بوسط اشبار =قصـيـره وفيـهـا قرقـعـه واســر يـاســاري لاتامن طمان الارض ولي يدق الطار =اقـولـه وبـكـره تسمـعـه واســر يـاســاري سعد المحمدي انا لاقطفت الورد من طيب الاشجـار = راع المخطيه ماشجعه واسر ياساري حسبنا حساب الذيب والثعلب المكار=لسان الخطاوي نقطعه واسر ياساري الطالب عسا الله لايبارك بدار ٍ بها سمسـار =ومن قال حق ٍ يقمعه واسر ياسـاري هل الشور تعرّف ياسعد قيمة الاشوار=لاكــن البهـايـم مرتـعـه واســر يـاسـاري سعد المحمدي عـن الـدار تلقـى دار لاتبيـح الاسـرار=مايولمك ضرسٍ تقلعه واسر ياساري كثيـر الحماقـه ماتخلـيـه يقـظـي ثــار =تبين لخصمه مصرعه واسر ياساري الطالب انــــا مـاعـلـيـه والـجـنـايــز لــهـــا قــبـــار=ومـن قـل قـدره مارفـعـه واســر يـاسـاري ضعيف البصيره ماهو بعارف الاخطار =امربـي جريـو ٍ يتبعـه واسـر يـاسـاري سعد المحمدي عسـى الله يصـلـح شانـكـم والفـلـك دوار=نشـوف الليالـي مسرعـه واسـر ياسـاري على الهون لاتقسى على عمر ياعمار=يجوز الخطاء بالمطبعه واسر ياسـاري الطالب ترا الزمل تبرك ياعميلي على الازوار =وكـل ٍ بزنـده يشبعـه واسـر ياسـاري يبا يحط نفسه مجتهـد والوليـد البـار =وهو كرّه نفسـه يدفعـه واسـر ياسـاري سعد المحمدي رسمنا النهايه وانت تقفز على الاسوار=عيونـك يـجـوز مبرقـعـه واســر يـاسـاري ياطيـب التسامـح والخطـايـا لـهـا غـفـار=ترى الثوب جايـز ترقعـه واسـر ياسـاري