ترحيبيه في سمو الامير فيصل بن مشعل ال سعود نايب امير منطقة القصيم

مرحبا ما يبلج النور جلاي العتيم=
=في بلاد مصدر النور من حجانها
يابلج والليل طاويه و صافحه النسيم=
=والطيور لشوفته غردت با الحانها
مرحبا عده وعد المسافر والمقيم =
=من هجوس شرعة للقصيد اوزانها
يادعاها داعي الشعر صارالها رزيم=
=للمقام العالي الشان عالي شانها
مرحبا يامير يانايب امير القصيم=
=في ربوع يضحك الوسم في ريضانها
باسم ابو راكان. يامرحبا هتان ديم=
=البدايع رحبت بك بكل اعيانها
يا الامير الوافي الفذ والشهم الفهيم=
=حايز علوم المعارف على ميدانها
حافله سيرتك با العلم والله العليم=
=ومن مشى درب المعارف دخل بيبانها
المكارم في سموك مع الخلق الكريم=
=تسبق قلوب الاوادم عليك ابدانها
الثقه فيكم ومنكم توالى من قديم=
=يا نسل من شيدوا. للبلاد اركانها
سادة تحكم بلدنا بتشريع االحكيم=
=في وحي هدي النبوه رجح ميزانها
من موسسها على منهج الدين القويم=
=طيب الله تربة ضمته جيلانها
لين عهد الي له العهد ابو كف كريم=
=عهد ابو متعب متوج بخير جنانها
الله انه يحفظ العاهل الحسم الحليم=
=زانت بعهده وعهد ابو متعب زانها
وشجرة ال سعود فيها الوفا نبع مديم =
=بارك الله في سحاب سقا حيطانها
ما تزحزحنا حكاوي ولا بليس الرجيم=
=عن محبة شجرة وارفات غصانها
ومن يساومنا على حبها هذا غشيم=
=الوفا في روس ربع تحفظ ايمانها
من لعب با النار ياعل تصلاه الجحيم=
=ما يعثر مجنن الناس غير جنانها
ومن يبي ياخذ عبر حولنا واقع اليم=
=حال دولتنا وحالة بعض جيرانها
والله انا بخير وامان. والامن النعيم=
=من يقدر نعمة الله يعرف اثمانها
المشاعر في وطنا ترادم تقل غيم=
=والقصيده فإبن مشعل شدة قيفانها
مرحبا ما يبلج النور جلاي العتيم=
=في بلاد يبلج النور من حجانها

خالد الحصني

الشاعر الكبير
خالد الحصني
صح لسانك على القصيده الجزله في حفل ابو ركان
ونائب امير منطقة القصيم الامير فيصل بن مشعل ال سعود يستاهل المدح والثناء رجل متواضع
يحب الترابط بينه وبين المواطن ودايم يلبي الدعوات من المواطنين
وهذا الشي ان دل يدل على حبه لشعب واحترامه للاخرين
الله يبيض وجه الامير فيصل وراعي الحفل والشاعر

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري
/
\

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

الشاعر القدير خالد الحصني صح لسانك على هالقصيدة الجزلة المليئة بالابداع من شاعر الجزالة والابداع الله يعافيك

السلام عليكم ورحمة الله وبركاته


صح بدنك يا بو تركي وما عليك زود




وصح بدن الاخوان جميعا. ويعذروني. على قلت تواجدي. الف شكر لهم

الشاعر القدير خالد الحصني صح لسانك على هالقصيدة الجزلة
المليئة بالابداع

من شاعر الجزالة والابداع الله يعافيك

صح لسانك ماقصرت وسمو العمر يستأهل

صح ابدان الجميع. وشكرا لزوار القصيده

صح الله لسانك
ولاهنت
وسلم فكرك وبنانك
دمت برعاية الله وحفظة