مساجلة فواز الزويهري وفارس الصاعدي .....عزيت راسه

السلام عليكم

وأسعد الله أوقاتك بكل خير

مراسلة فواز بن محسن الزويهري الحربي
والشاعر فارس بن خليل الصاعدي الحربي




البدع / فواز الزويهري

:؛:؛:؛:؛:؛:؛؛::؛:؛:؛:؛:؛:؛:؛:؛:؛:
سلام صافي ...من هجوس ن توافي
الشاعر الشافي ... لماهو حوا الجوف

يابن خليل انصاك ...والحرف يعناك
ابحث على إمضاك ...فاللي بنا يحوف

عزيت راسه... لجل ساسي بساسه
لكن حاسه ... تالي الوقت شاعوف

يمشي معي عاكس... لخطه وراكس
ماقول ناكس ...لكن الحال محفوف

دورت معذاره ... لقيته خساره
هذي تجاره ...والثمن دوم معروف

منهو نزل فالسوق ...يحرص من البوق
كل البلا فمرفوق...من يمه الخوف

الرفقه اللي ... كل بوها تبلي
ياجعها تولي ...ولا نيب مكلوف

إن جيت يمه ...ينفث بخبث سمه
وإن رحت دمه ...ردني رد ملهوف

عند العزاوي...تروح كل المساوي
لوكان غاوي ... للغوايات ماشوف

أجيه فازع ... دونه أرواح نازع
مابغاه جازع ...من مشاكيل وصروف

لكنه المزروع ... للغير منزوع
ولاني بمقطوع ... آتفرج فمخروف

ضيع حسابي ... فالمبادي وغابي
من حالتي طابي ... ولاعاد مخلوف

جاك الكلام .... اللي مختم بالاختام
وأنته من الفهام ... والحال موصوف

:؛:؛'':؛:؛'':؛:؛'':؛:؛'':؛:؛'':؛:؛'':؛:

الرد /فارس الصاعدي

.........:؛:؛:؛:؛:؛:؛:؛:؛........

تــرحيب كافي .. للرفيق السنافي
عد القوافي .. وانت فالرمي شاخوف

نصيــتني حـيّاك .. و القلب يمــناك
يمناك ما تعصاك .. و الوقت مكشوف

دنيا سياسة .. تشتهر بالغلاسة
تبغى دراسه .. بين صادق و ملقوف

واللي مشاكس .. جنّبه جنب بالاكس
والا معه داكس .. و لو كنت مشغوف

زلّة شطارة .. عقّبت لك مرارة
خذها إشاره .. وخلّها شي مألوف

بعض البشر غرنوق .. و البعض موثوق
و ربي وربك فوق .. والحق منصوف

سبّح و صلّي .. مير اصحى تقلي
ليـــه التغلي .. والعمر وقت ويطوف

هذي مطمّه .. و الرفق ما اذمه
كل بير جمّـه .. والعقل يتبع النــوف

وقت الرجاوي .. فيه نرم و نداوي
خلك مع الراوي .. ما يجزاك بحسوف

الله ولا بازع .. ولا فيه وازع
حق المقازع .. لا دعي صار مكسوف

خلّه يحب الكوع .. ثم يلحس البوع
لو يعرف الكرسرع .. عرق ن و غضروف

انسى عتابي .. لا تضيّع جوابي
حنا زهابي . . فرْد فاليد و زروف

وانت ترى ضرغام .. تاخذ بالاحكام
لو جيتني منضام .. ازهم بني عوف

؛؛؛؛؛:؛:؛:؛؛؛؛:؛:؛:؛؛؛؛:؛:؛:؛؛؛؛:؛:؛:

صح لسانك يالذيب وسلم فكرك

دمت

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله اسنتكم
وبيض الله وجيهكم

صحة السنتكم جميع


الله يعطيكم العافيه

صح السنتكم جميعا ً الله يعافيكم

طاروق جميل ورائع
صح لسانك عليه وصح لسان ابو خليل
وبلّغه تحيّاتي

صحت السنتكم الله يعافيكم

صحــت السنتكــم
دمتم برعاية الله وحفظة