ياما وياما

ارجو قبولها مع التحية والسموحة اذا ماجازت لكم

يارجل ياللي على الروحات والجية مضريك = واش بك علامك تقاصرتي وانا احب المراحي
ماعاد تمشين وانا الليل كله ساهر اشكيك= واحس فيك الالم واخشى تجي فيك الجراحي
وانا مهنيك عن كثر الشقا ماني معنيك=ماغير ثانيك في المجلس مسا والا صباحي
ويهمزونك عيالي كل مااحس الالم فيك=وادهنك بالزيت واداويك لو ماله نجاحي
وليا نويت المراح اخذك في الموتر واعليك=واحرص واذريك حتى عن نسانيس الرياحي
واليوم يارجل جيت انهض وبانت لي طواريك= انك عضيلة وفي ممشاك ماشفت الرباحي
قالت لي الرجل انا ربي خلقني لاجل امشيك= اسير بك في ظلام الليل في كل المشاحي
ياما وياما على روس الجبال الصعب اوديك =وافرح لياطال مشوارك ولاتسمع صياحي
كل المشاوير انا اوديك واسرح بك واضويك=امشي طريق العضا واللا مع الصمد البراحي
واليوم جالي بديل ومشيتي ماعاد ترضيك= تدرا عليه من الممشا وهوليه صحاحي
واصبحت تاكل وتشرب والوزن زايد ومشقيك= زودت حملك عليه لين منك الحيل طاحي
ان كان تبغى النصيحة جوز عن طبعك وطاريك = امش وتمشى عليه ثم خذني بالنصاحي
يالين نرجع لسابق عهدنا ويعود ماضيك = واسمح لك اللي جرى لي منك واطلبك السماحي

صح السانك وبيض الله وجهك

صح اسانك اثابك الله

صح لسانك يابوماجد

الله يطول بعمرك ويعطيك الصحه والعافيه

ابو ماجد صح لسانك على هالجزالة والابداع جميل هذا الحوار الذي انتهاء بالصلح نسال الله لك
الصحة والعافيه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وماتشوف شر

الف سلامه لكم شيخنا الفاضل
صح السانك لاهنت

ولاهان منطوقك

الرااقي

	المشاركة الأصلية كتبت بواسطة نديم المجرة

	صح السانك وبيض الله وجهك

صح بدنك وطال عمرك ولك تحياتي

	المشاركة الأصلية كتبت بواسطة الطالب

	صح اسانك اثابك الله

صح بدنك وطال عمرك ولك تحياتي