حق الرفيق

حق الرفيـق لياحشمنـي حشمتـه=وأدمح له الزلة واجامـل وداريـة
ولياأحترمنـي بالحيـاة أحترمتـه=وادراه وافزع له وعزه واخاويـة
وليابنـا جـدار الوفـا ماهدمتـه=أزيد في مبنـاه واعطيـة واهديـة
وان غاب أزوره وأن لقيته عزمته=وان كان شفت بخاطره ضيق أهدية
وليا تجـود بـي رفيقـي لزمتـه=ولياملكت أعلاج جرحـة بداويـه
وليا طلب شوري بامـر مانجمتـه=أعطية شورن باريـة ذمتـي فيـه
وعند المشاحن لوخصمته حشمتـه=واقول أنا المخطي ولو الخطاء فيه
ولا شمت فينـي تحملـت شمتـه=ولا اتشيجع فـي جدالـة وأعاديـة
وأن غاضني في شي غيضي كتمته=وبين البسمة ولـو خاطـري فيـه
ماهي شجاعة لو رفيقـي هزمتـه=وأصبح معاديني وأنا أصبحت مابيه
ومن صد وأقفا كارهـن مازهمتـه=ولاطاردن مقفي ولانـي براجيـه
وهذا شعوري للرفيـق ونضمتـه=والخلق صعب أرضاه ماني بقاوية

صح السانك يالشاعر/صلاح الحيسوني قصيده ممتازه بيض الله وجهك
ماقصرت.. تحياتي لك.....

صح السانك وبيض الله وجهك
قصيدة رايعة وابدعت في صياغتها

صح لسانك ياصلاح

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

الشاعر صلاح الحيسوني صح لسانك الله يعافيك

سند العريمة
نديم المجرة
فايز البشري
معجب الحربي
الحب الباقي


صح ابدانكم جميع وبيض الله وجيهكم

الشاعر صلاح الحيسوني
صح لسانك شانك

صح الله لسانك
ولاهنت
وسلم فكرك وبنانك
دمت برعاية الله وحفظة