ياكم يتعب في حرى الصيد حداقي

يالصاحب اللي للمراجيل تواقي
تبغي علوم المرجله والمطاليق

للمرجله ياخوك شوقن وعشاقي
مثل الهوى ياكم يذبح عواشيق

ياكم يتعب في حرى الصيد حداقي
مثل المراجل دونها ينشف الريق

ياكم قــومن بالـوفا فعلهم فـاقي
فاق وترقى فوق روس الشواهيق

وياكم قومن للردى صاروا ارفاقي
واصبح لهم من دون كل المخاليق

الناس بين عقولها معطى ومفتاقي
وبين البشر ونفوسها بعض التفاريق

وللناس بالــدنيا مذاهــب واذواقي
فيهم ردي الشور واهـــل المناطيق

لاتخاوي اللي كايد الحمل ماطاقي
ماينفعك بالعون لاشــن ولاهيــق

خلك مع اللي جرب ايامه وذاقي
منها الرضا واحزانها والعنا ذيق

وراقب مخاريجه ليا الوقت به ضاقي
تعرف مخارجها ليا جيت بالضيق

وراع الكرم والجود للضيف يشتاقي
شوق المجالس للرجال المطاليق

وراع الردى والبخل للضيف ماواقي
دايم مجاليسه تحصلها مغاليق

وقلبن على الشدات والموت سباقي
ماهو كما قلبن رجف فالمعاليق

عمر الشجاع يطول لو كان به باقي
مافيه عند الموت للناس تفريق

لـ احمد الخواري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك مليار شكراً لوجودك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك يابعدي منور

صح السانك لاهنت

ننتظر جديدك

	المشاركة الأصلية كتبت بواسطة الكحيلة

	صح السانك لاهنت ننتظر جديدك

صح بدنك هلابك