الشيخ شيخ العلم حام الشريعة....

بسم الله الرحمن الرحيم
هذة القصيدة بعنوان الشيخ شيخ العلم

الشيخ شيخ العلم حام الشريعه =
= يا مجير الشيخه على غير تأسيس
والشيخ شيخ القوم وقت الوليعه =
= لا ثارت الهيجاء بضرب النواديس
والشيخ شيخ الجاه وقت الفزيعه =
= لا شربكت بقعاء عقود اللواليس
والشيخ رجالٍ عزومه شجيعه =
= بالطيب والفزعه وكسب النواميس
نفسه على فعل المراجل تطيعه =
= ما دار في باله طمع موكي الكيس
سد اللوازم للنشامى ربيعه =
= سلام يا تاج الفخر والنواميس
وباق البشر حاله وحال الطبيعه =
= وكلٍ على فعله تجيه المقاييس
احدٍ يمد الطيب وحدٍ يبيعه =
= وحدٍ يلمس شجرة الطيب تلميس
وحدٍ جزيل ونشكره في صنيعه =
= وحدٍ يخيب وقلعت النذل وبليس
فاتت على مثله افعولٍ رفيعه =
=وش عاد لو يسكن على برج باريس
مهف دخانٍ تفرق جميعه =
= مع درب صلفاتٍ تشيل الطعاميس
الموت لا جاله إركابه سريعه =
= ما ينفعه لو كدس المال تكديس
تقاسمو ماله إجموعٍ مجيعه =
=حق وحقيقة ما بها هرج تدليس
أوجزتها في موجزٍ نستطيعه =
= ولبستها من جوهر الشعر تلبيس

الشاعر/ سند مسند العريمه الحربي.

الشاعر الجزل
سند العريمه
صح الله لسانك وعتلا شانك
على القصيده الجزله

سند العريمه


قصيده جزله صح لسانك وبيض الله وجهك

شكرا يابو تركي وصح بدنك وتقبل تحياتي

مشكور يابوهليل وصح بدنك . تحياتي لكم .

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

الشاعر القدير سند العريمه
صح لسانك على هالجزالة والابداع الله يعافيك

الله يعطيك العافية يا صاحب لقب الحب الباقي
وصح بدنك وإن شاء الله باقي على الخير والمسرات

أهلا وسهلا بك يا أخي الشاعر المتمكن مساعد الجليدي
وصح بدنك طال عمرك ولا عليكم زود.. أجمل تحياتي لكم.

الشاعر القدير سند العريمه لسانك على هالجزالة الله يعافيك