ردي على الشاعر خالد عبيد الاحمدي صقر المراقيب

	المشاركة الأصلية كتبت بواسطة ابوهليل

	الشاعر القدير سعد المحمدي صح لسانك قصيده جزله بيض الله وجهك

ابو هليل
مرورك شرف لي
الله يبيض وجهك

مشكور على تجاوبك يابو عبدالله وصح لسانك
واليك مع التّحيّه

بدع الشّاعر /خالد بن عبيد بن معتوق ألأحمدي=
ابغى سعد لجل انه ادرى واخبـر=من غيره بوضع السَّياس يسيسي
شاعر محنّـك للمعانـي مصـدر=يشعل ساحات الشّعر بالتّحميسي
محبوب بين النّاس شخص موقّر=شاعر وله جمهور مثل الايسـي
صاحبك للموضوع فكّ المحضـر=جاوب ولاترتاب واخـز بليسـي
مرسـي هـداه الله فـكّ المعبـر=لاكنّهم صكّـوه بعـد السّيسـي
صارت حماس لمصر صعب تمرّر=لو تنتهج منهاج كبتـن ميسـي
وياوجد غزّه من طريـق مسكّـر=من حـضّ زان وردّ لتّنحيسـي
وانته بهذا الوضع ويـش تعبّـر=مابين درب الحـقّ والتّعكيسـي
ومن فيهم اللي فالزّمـان تجبّـر=اللي عليـه العـار والتّدنيسـي
وهل حزب مرسي مستطيع يدمّر=وتخرج جماهيره على الف تبيسي
ولاّ عليـه الجـوّ صـار معكّـر=دار انهدم يحتاج لـه تأسيسـي
ومـن الـذي متخفّـيٍ ويـدبّـر=اللـي بنالـه بـرج للتّعسيسـي
هات الجواب مبرهنـنٍ ومفسّـر=ياصل ولد حبـلان والادريسـي
وان كان ربّـك يالسّنافـي قـدّر=لمساجلتنـا فالقصيـد تريسـي
اتزيد روعـه فالقنـاه وتشهـر=ان كان ذاعتها سهيـر القيسـي
ردّ الشّاعر/ سعد بن عبدالله المحمدي=
خالد بعد حبّ البنـات الضّمر=من غير كيف الحال والتلميسي
عنهن عريب الخال شفته حدر=قلت السبب ياربع قل الكيسـي
لكـن لقيتـه يـدرج بالمنبـر=وده يصلي بالعـرب ويريسـي
يالله يـارب الخلايـق تستـر=لايصير باعلام العرب تنكيسـي
ماودنا صفو الصديـق أيكـدر=وتصير حاله مثل حال أغليسي
أبغاه مع كبر المشاكـل يكبـر=ماله ومال أيهود والرنتيسـي
بالي حصل في كل دوله نشعر=كبت الشعوب وجالها تنفيسـي
وحنا بخير وبالحكومه نفخـر=ما عندنا ثـوره ولا تدليسـي
بأمن وأمان ونعمةٍ ماتحصـر=اهل عقيـده مابنـا قسيسـي
نعلـن ولانـا للملـك ونحـذر=عن كل فكرٍ من حرف ومخيسي
يقوله اللي بعد هرجك صطـر=رده بعد ماقاس قبـل اتقيسـي
دون الوطن يالقرم ماحدٍ يعـذر=لاتقول بجدار الهرم تقويسـي
المـر ماغيـّر مـذاق السّكر=حط الاشده عن ظهور العيسي
بدع الشّاعر/ خالد بن عبيد بن معتوق ألأحمدي=
خلّ البنات الغنج سحر المنظر=اللي تهزّ الوسطّ بالتّرويسي
ولي جيب عامر ماني بمتحسّر=ولا كسبنا بالسّهم والتتكيسي
ابيع واشري بالذّهب فالبندر=في سوق مايغلب به البلّيسي
والا الوطن مبغاك فيه اتذكّر=حافظ غلاه بردعي التّجسيسي
من روس حرب ومحد لي تنكّر=وبطاقتي ماجات بالتّجنيسي
على عهد ربعي وسيفي مشهر=ماهو على شان القليب الكيسي
وانا كبير ولاني بمتكبّر=جعل اليهود الهمَّ والتفليسي
ومثلك ومثلي يارفيقي صخّر= حاله وماله للوطنّ تقديسي
نحما حدوده بالسَّلاح الاخطر=ياعلّها بالعزّ والتّونيسي
وارجال ابو متعب بعزّه تكثر=اللي فعوله تجلي التّعبيسي
عدونا يرضخ ويخضع مجبر=سواة ابن داوود في بلقيسي
ولجلك وفي ياسعد علمك يثّر =بثّ الخبر بالمجد وآلمّبيسي
لاتنحرف عن مقصدي ماتشعر=ياشاعر ٍ محشوم منت ابخيسي
موضوعنا في مصر دار الازهر=ضوّة سماها ثورة التّقبيسي

صح لسانك شاعر جزل
ذو اخلاق عاليه
الله يبيض وجهك

تم تعديل على النّص

صحــت السنتكــم
دمتم برعاية الله وحفظة