صدفه

صدفه على التلفاز انظر وأسمع=وليا الحرم مليون حوله يطفون
وقام الصلاه وشفت سجد وركع=ويوم سلمو رفعو يديهم ويدعون
كل الجموع في ذالك الحشد تطمع=في جنته والعافيه يوم يلفون
قمت اتفكر يوم للحشر نجمع=من عهد ادم للقيامه يصفون
كل الخلايق للموازين تخضع=والحكم عدل وللأوامر يطعون
الله اكبر يوم للحق نفزع=ماغير رحمةربنا مالنا عون
الفوز للي سيد الخلق يتبع=وكانو على سنة محمد يعضون
قومن على هديه تسلم وتشرع=وعلى الفرايض والشهاده يموتون
يابختهم باللي مشفع ويشفع=يشفع لهم يوم الخلايق يلوذون
واهل الكفر يرجون لويوم ترجع=وتوب لاالله وبالفرايض يقومون
هيهات لايمكن ولافيه مرجع=مازرعت انفسهم له اليوم يجنون

خليفه المزروعي في ٢٩/٩/١٤٣٤

صح لسانك
ياخليفه المزروعي
والله يعطينا حنا وياك صالح الاعمال

تسجيل تواجد في منبر الجزاله
صح لساانكـ
بيض الله وجهك

صح لسانك الله يعطيك العافيه

اشكر الجميع على مرورهم المشرف ولاهنتو ولاهان تواجدكم الراقي

تحياتي وكل عام وانتم بخير

صح الله لسانك
ولاهنت
وسلم فكرك وبنانك
دمت برعاية الله وحفظة
وكل عام وانت بخير

صحت ابدانكم جميعاً ونشكر لكم مروركم المشرف
تحياتي وكل عام وأنتم بخير

صح لسانك خليفه المزروعي

وسلم فكرك وبنانك

وتقبّل الله من الجميع صالح اعمالهم

	المشاركة الأصلية كتبت بواسطة ناصر بن مصلح الاحمدي

	صح لسانك خليفه المزروعي وسلم فكرك وبنانك وتقبّل الله من الجميع صالح اعمالهم

صح بدنك اخوي ناصر بن مصلح الأحمدي وشرفني مرورك


تحيات اخوك

صح لسانك يعطيك العافيه
وبيض الله وجهك