سلام ياللي تجي وتروح ماتسلم

مضحي بن جمران=
سلام ياللي تجي وتـروح ماتسلـم=وش السبب ياعزيزي يالسحيبانـي
ومجنحٍ فالطـرف جاهـز ومتولـم=ياخوي نشري رضاك انكنت زعلاني
عبدالله الوعد=
حييت ياللي تجيد العلم وتعلـم=يامسندي بالنوايب يابليهانـي
لوكنت موجود ماني عنك متبلم=وشرواك ماينهجر ياعمي الثاني
مضحي بن جمران=
لاهنت لولا الميانه كـان ماكلـم=ولا تغنيت باسمـك ياكحيلانـي
ولاني بظلام ولاني شخص متظلم=يهمني جزل علمـك لاتنصاني
عبدالله الوعد=
العلم مصقول صقل ولاهو مثلـم=يامنتهى امال عرف البعد والداني
فصيلة الشامخه في هامة المسلم=مقسومةٍ بين شريانك وشرياني
مضحي بن جمران=
انا نشدت السنافي بـس ماعلـم=عساء حلاله عقب قاع المرا زاني
وانا وصلني خبر ماني بمتحلـم=مدير اداره لكن الشخص طفراني
عبدالله الوعد=
عن طبعهم علمهم جابوه وململم=نصه حقيقي ونصه هرج قوماني
تاهو عن سهيل يامشكاي مادلم=لاكن عساها غياهب كان ماكاني
مضحي بن جمران=
اللي سريـع ونشيـط برقيـت السلـم=ماشفت جاب الثمر من روس الاغصاني
فاضي زبيله ولـو هـو قـال متثلـم=عن الحقيقه ماكـل النـاس عميانـي
عبدالله الوعد=
ليت العرب يوم انا حليت ماهلـم=لوكان مضحي جناه الشيخ جمراني
على النبي في ختام القافيه صلـم=واحسان الانسان مايقفـاه منانـي