ياذيب

،،

ياذيب لا تعدي وتغدي عدواتك=متوارثة لو كان ماهو انطباعي
ياذيب بعض الناس خايف شراستك=واسموك خادع لو مانت بخداعي
ياذيب أخذوْ من أعاديك سيرتك=وأعداك ماتذكرك حَسّنْ الطباعي
ياذيب لو يدري العرب عن مكانتك=وعن حكمت الله فيك والانتفاعي
ياذيب لو كل المخاليق شافتك=تفرق دروبك عن دروب السباعي
ياذيب سموا لك عشى من ذَيَابتك=ماأمسيت جايع والخلايق شباعي
ياذيب كان ايامك السود ودتك=لمراح من هم من كثار المتاعي
ياذيب لا تعدي على غير عادتك=عادتك ماتعدي على ام الرضاعي
اعدي على من لا أخذته يقل جتك=ضاري على اطعام الفقارى الجياعي
ياذيب طبعك لا تغير طبيعتك=يامحلا عدوك على أهل الطماعي
فالخوف ما هو من مخافت مخافتك=الخوف من عنده رهاب اجتماعي
وياذيب جوعك لا يضيع مهابتك=لا زلت رمزاً من رموز الشجاعي

وسلامتكم

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

تسجيل تواجد في منبر الجزاله
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك ياطلال

يقول ابو ذيب القحطاني

ياذيب انا بوصيك لاتاكل الذيب=كم ليلةٍ عشاك وقت المجاعه

صح الله لسانك
ولاهنت
وسلم فكرك وبنانك
دمت برعاية الله وحفظة

ويـاذيــب جــوعــك لا يـضـيــع مـهـابـتـك
لا زلــت رمــزاً مـــن رمـــوز الشـجـاعـي



صح لسااااااااااااااااااانك