قصيدة ترحيبية بسمو امير المدينة حفظه الله

Quote=حسين بن مريع العبيدي;58924]

معي ترحيبة ومعطرة بالورد والريحان = باقدمها لامير ياخذ الزانة ويعطيها
هلا يامرحبا يامير ياشيهان ابن شيهان = وقفنا لك تحية جيتك ربي يحييها
هلا يامرحبا يامير يابن مرجح الميزان = هلا ترحيبة من خاطري صفيت معانيها
هلا ترحيبة فيها الغلا تنبع من الوجدان = تراحيب الوفا والطيب حاديها وباديها
هلا يامير ياابن مجازي الاحسان بالاحسان= عسى ربي يعينك فول الدعوى وتاليها
يافيصل خذ تحيات من الشياب والشبان= يقوله هاجس يوم انتقاها صادق فيها
يافيصل جيت حاكم للمدينة ياولد سلمان= مدرسك المعلم صاحب الخبرة وراعيها
ابوك اللي لياماقال قوله جاب له برها ن= ربوع العاصمة سلمان قبل اليوم بانيها
تراك امير وابن امير وابن موسس البنيان= على تقوى ودين وخبرة الوالد مجاريها
اهل طيبة وطيبة يوم جيت اخذوك بالاحضان = مدينة تفتخر بك وانت خذها وافتخر فيها
لقد طابت بكم طيبة وطابت باقي الوديان= نمت واستبشرت فامش واتمشى في مشاحيها
على دربك مشينا لابتديت تشيد البنيان = رجال مخلصين وخطة الحاكم نراعيها
نبي نمشي معك ياميرنا في ساحة الميدان = تحت راية مليك الدار قاصيها ودانيها
عطيناه العهود الصادقة في طاعة الرحمان = عهود لعطيناها بحول الله نوفيها
عاى شيمة عرب نعطي ولانا حاكم الاوطان = عهود الصدق والاخلاص طول الدهر نحييها
فداه اولادنا واموالنا ونقدم الابدان = ترى كل النفوس الغالية ترخص لغاليها
عسى ربي يعز ال السعود ويخزي الشيطان = شياطين البشر والجن يلعنها ويخزيها
ليا ربي خزاهم كثرت الخيرات في البلدان= وعاش الناس في راحة من الفتنة وطاريها
يقوله من بنى ترحيبته من طيب الالحان = نيابة عن جماهير المدينة مع ضواحيها

[/quote]

تسجيل تواجد في منبر الجزاله
صح لساانكـ
بيض الله وجهك

صح السانك لاهنت
شيخنا وشاعرنا القدير
يستاهل الوطن وحكامه والله يوفق
الامير ويعينه على المسؤلية

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك ولا عليك زود
تقبل تحياتي

	المشاركة الأصلية كتبت بواسطة الكحيلة

	صح السانك لاهنت شيخنا وشاعرنا القدير يستاهل الوطن وحكامه والله يوفق الامير ويعينه على المسؤلية

صح بدنك اختي العزيزة
تقبلي شكري وتقديري

الشيخ والشاعر حسين مريع العبيدي
صح لسانك وعتلا شانك ومعرف من جدك االمحبه الولى للحكومه الرشيده
ويستاهل امير منطقة المدينه المنوره على هذذي القصيده الجزله

طلب
يقال ان جدك او والدك له قصيده مع شاعر عتيبي
منها
الخاتم المنقوش انا ويش ابيبه
ياليت اذا عندك القصائد تزودنا فيه حيث البعض يرويها غير ذلك

الشكر لله اولا
وصح السانك شاعرنا الكريم حسين العبيدي
يستاهل والله سمو الامير وال سعود جميع
اهل الكرم والطيب يستاهلون
وبيض الله وجهك
وتقبل مروري اخي الكريم ولك مني كل حب وتقدير ومن عشيرة الحناحنه بالاردن

	المشاركة الأصلية كتبت بواسطة سعد المحمدي

	الشيخ والشاعر حسين مريع العبيدي صح لسانك وعتلا شانك ومعرف من جدك االمحبه الولى للحكومه الرشيده ويستاهل امير منطقة المدينه المنوره على هذذي القصيده الجزله طلب يقال ان جدك او والدك له قصيده مع شاعر عتيبي منها الخاتم المنقوش انا ويش ابيبه ياليت اذا عندك القصائد تزودنا فيه حيث البعض يرويها غير ذلك

حياك الله اخوي
صح بدنك وطال عمرك وماعليك زود
مريت وشرفت
تقبل شكري واحترامي

	المشاركة الأصلية كتبت بواسطة محمد بخيت الحناحنه

	الشكر لله اولا وصح السانك شاعرنا الكريم حسين العبيدي يستاهل والله سمو الامير وال سعود جميع اهل الكرم والطيب يستاهلون وبيض الله وجهك وتقبل مروري اخي الكريم ولك مني كل حب وتقدير ومن عشيرة الحناحنه بالاردن

حياك الله اخوي
صح بدنك وطال عمرك وماعليك زود
مريت وشرفت
تقبل تحياتي

شاعرنا القدير / حسين بن مريع

صح لسانك و بيض الله وجهك

وعادتك ماتجيب إلا الجزلة

و الامير فيصل يستاهل