الليله السباح تأديبه وجب

عبدالله الفريدي=
الليله السباح تأديبـه وجـب=مادامني موجود ماهو مستريح
واللي يدور للنشب جاه النشب=مايطلع الا ذابحه والا جريـح
السباااح =
تسمّعوا هرج الفريـدي ياعـرب=ياكبرهرجه مار ياقـرب المطيـح
هو يحسب ان المساله هبشة رطب=اقبل وهو فحمان غاد لـه فحيـح
عبدالله الفريدي=
اسمه عضو ماهوب شاعر ينحسب=لكن ياجمهـور للعـذر استميـح
ابا ادبه تأديـب واقـص الشنـب=واغرّرّق السبّاح وايبين الصحيـح
السباح=
وانا نويت اكمخك في لوح الخشـب=حتى تعـود يـم ورعانـك تصيـح
وان ما كفتك ارميك في وصط اللهب=يا الثعلب اللي بالصحاري لك ضبيح
عبدالله الفريدي=
لو نلتفت لك بالنظر يامغتـرب=سويتلك ترحيل وادميّك تسيـح
تبي تشب النار واتصير الحطب=لكن تقصر قبل ماسدك يبيـح
السباح=
انته افريدي مار يافريدي شرب=قدام لالعوزك ووسـدك شيـح
وان اسمي السباح لكن ما انغلب=اخلي الفسقان قدامـي طريـح
عبدالله الفريدي=
متخالطٍ زيته وماه امن الرهـب=واللي يبا الثواب يبني له ضريح
شفت العبيه مالها اعنان اتهذب=وخيالها يمشي وراها له قحيح
السباح=
انا من اللـي حقهـم ماينقـرب=اللي مافيهم لاجبـان ولاشحيـح
ولااذمكم ياحرب معدنكـم ذهـب=بس انت ما نته وارث مال الجميح
عبدالله الفريدي=
انا من اتبـاع بـن عبدالمطلـب=وانته وانا ابرى لله اتحب المسيح
شطار لكن حول لعب المنتخـب=وافك باب وتقفله من خوف ريح
السباح=
نبي نصك الباب قـدام تخـرب=تطرق لسانك كنك القاضي شريح
ان ماقفلنا الباب يمكـن تنكـب=الله يجنبنا عن الفعـل القبيـح