الله يرحم واحدٍ راح قبل امس

اخواني الصراحه انا مازلت اعاني من صدمة الخبر بوفاة اخونا على زيد الله يرحمه ويغفر ذنبه

والجو لايسمح وغيرمهيا اني اكتب مرثيه ولكن هذه الابيات المتواضعه جاءت كماهي بدون تعديل اوتنقيح مع العلم انها اقل بكثير من الحدث ولكن اسمحوا لنا بالقصور

الله يرحم واحدٍ راح قبل امس=راع الوفاء والطيب والجود والعون
من يوم ماجانا الخبر خاطري عمس=واحس في صدري لواهيب وطعون
وكم واحدٍ مثلي حمس خافقه حمس=وامساه ليل السبت بهموم وحزون
ياشعر جاك الليل مير انكتم وامس=راعيك راح ولابك ابداع والحون
من عقب علي الشعر عشره غدن خمس=عزوا جزيل الشعر ياللي تعزون
لوالله اللي تو ماغابت الشمس=عن منتدانا والاوادم يشوفون
مير البقاء باللي بقاء من هل الرمس=اللي لجزلات المعاني يصوغون
ياناس جعل قلوبكم ماهي للطمس=ادعوا لابو خالد راع الطيب تكفون

الاثنين 26-1-1334