سلام من لافي لفى

يا أهل الزواميل أنا عارف أنها المفروض أطول
لكن كان تبى تعديل عدلوها ترى بس دبجتها
( بس هه اللي يقول سلام يقولون له مرحبا )
وترى سالم من اهل الزواميل عليكم به ،،

	سلام من لافي لفى ينصاك ياملح الشفى ماهو خفى القلب عامر بالصفى والصقر دايم ما يغيب . يمشي على وضح النقا يشفي ليا منه رقا عسى البقا والعبد يشقيه الشقا قريب ما يقرب قريب . صقر(ن) تعلاَّ ثم طاح وعزوة دون المراح القن راح الصقر مكسور الجناح الله يجيبك ياالطبيب . ويارفيعين المقام الخاتمه بعد السلام آخركلام الطيبة مسك الختام وطالب الله ما يخيب .

الله يـعـطـيـك الـعـافيـــــــــــة اخوي لافي

بيض الله وجهك على الزوماله الرائعه

وان شاء الله يردون عليك فيها وتكمل

بيض الله وجهك

هذي الزومالة ياخوك لحنها ودي أسمعه
بالرغم أنني قرأت مثل هذا الطرق من قبل
واسمح لنا يالافي بهذا الرد المتواضع والسموحة

	ترحيب باين مااختفى مثل العسل فيه الشفى كلّه وفى من قلب مايحمل جفى الود من طبعه حبيب للي لفانا مسبقى ترحيب صافي منتقى باهل النقى من لاتشقا مارتقى ومن لاسعى ماله نصيب وإن صار رابح مع رباح والكل ناوي بالصلاح بالمستراح لابد يلقون الفلاح والكسر وجروحه تطيب وآخر كلامي ياالحشام صلوا على الهادي الإمام خير الأنام على النبي محمد سلام الله ربي المستجيب

بيض الله وجيهكم على الزوماله

بيض الله وجهك وان شاء الله تسمعه عن قريب
ترى اللي في القلب ما يحتاج أحد يمر عليه
شلون عاد؟ تســـــــــــــــــــــــلم

الله يـعـطـيـك الـعـافيـــــــــــة اخوي لافي

اخوي

لافي

الله يبيض وجهك على هالزوماله

الله يبيض وجيهكم على الاخذ والرد
وفيتو وكفيتو
وصحت السنتكم يالمبدعين
بارك الله فيكم
يعطيكم العافيه ...
تحياتي .

بيض الله وجيهكم على الزوماله

صح لسان الشاعرين

الله يعطيكم العافية