يوم انتظر!!! واقيس الروح.........................؟؟

يوم انتظر!!! واقيس الروح=وناضراللي مضى واللى بقـالي
أمضيت بعضه من غير مصلوح=أرجوك ياالله ترحم بحالي
ألقلب بالخطايا بنّالي صروح=لاتخيب النفس وهـــذا سؤالي
ياعالم الماضي بكل ميروح=أنته العزيز الكـريم الموالي
وارحم من مات في ذيك السفوح=اللي مراقدهم بين الجبـــالي
موقدين النار فالعسرالشفوح=مكرمين الضيف حتى الزوالي
وان ضـــافهم (حيّ) مجّروح=على الطيب يبقى كــالعـيالي
وان جات زله منه مدموح=في حاجته محد(ن)إيـــــــبالي
الرز مفقود والتمر ماله ضروح=راعة الرحى للضيف ماتبالي
الكــل منهم للواجب طموح=متهمّه اجــــبال واللا سهــالي
تلقى الحطب للنار مطروح=ووّجــار تقرَّبْ فــيه الـــدلالي
اليوم الكرم للضيف مسنوح=والكــل منهم روس المــعالي
والبعض يفرح ان كان ممدوح=لو كان مامديه بسوق الرجالي
يالله بعفوك للكـل ممنوح=واللي بقي من قليــــل اليــــالي
يارب أودعفوك والعين بتنوح=فيك الامل يارب بوسع الخيالي
وصلوعلى المصطفى اللي له الشفع مسموح=اللي تملك من عزيز الجلالي

صح لسانك يا الشاعر

صح الله لسانك
ولاهنت
وسلم فكرك وبنانك
دمت برعاية الله وحفظة

تسجيل تواجد في منبر الجزاله
صح لساانكـ
بيض الله وجهك

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

[size="6"][color="royalblue"]وفيت ولاهفيت وصح لسانك وبيض الله وجهك
قصيدة تعبر عن نفسها

وفيت ولاهفيت وصح لسانك وبيض الله وجهك
قصيدة تعبر عن نفسها

الله الله صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

	المشاركة الأصلية كتبت بواسطة ابو أرياف الحربي

	صح لسانك يا الشاعر

صح بدنك
اخي/ابوأرياف
أسعدني تواجدك المميز
والروعه في مرورك العذب
الذي انار متصفحي
تحيــــاتي وادي
واحترامي

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك
اخي/فهد ابن غانم
أسعدني تواجدك المميز
والروعه في مرورك العذب
الذي انار متصفحي
تحيــــاتي وادي
واحترامي