ديوان الشاعر / عبدالله بن سرحان المعمري الحربي

يابن قريعـط يامدهل الطيب والجـاه
أنشهـد أنك شيـخ تقضي الزومـي



أبـوك قـبـلك يـمدحه كـل مــن جــاه
حـلال صعـبـات المـواقـف عزومــي



وعمـك عـقـيـد القـوم كـلن بيـنـخـاه
الفارس الصنديد وقـت الهجــومـي



مـيـزر بن قـريـعـط بـذكره عـرفـنـاه
شيخن على ربعه حكيمن رحومـي



الناس تـذكر مافعــل كيــف ننسـاه
يــوم الغـزوا فعـله قوي العزومــي



تـفـخـربـه المـسـنـد ليـاحل طـرياه
يـفـز رجـالـهــم بذكــره يــزومـــي



وأنته الربعك كاسب الطيب منصاه
تقـوم بالـواجـب و دايــم قدومـــي



حليـت لك موضــوع وخطـك قرينـاه
سـويت فعل الطيب وقت الزومــي



مايــلحقك لومـن مـن الناس تـدراه
فعلك يبيض الوجه ونت محشومي



يومن غيــرك ضيــع الدرب ممـشـاه
فــزيت من نـومك وجـبـت العلومي



فـيـك الحمــوه و مافعـلتـه ذكــرناه
ومن يفعل المعروف ذكـره يدومـي

أصل العميـري ثابـت مثـبـت أثبات
حسـب الوثـايـق والصكـوك القـديـمه


أحــد فــروع المعـمــري المهـمـات
ألـلــي ثــلاثٍ واضـحـاتٍ سـلـيــمه


يشهـد لنـا يـوم الحـروب القـديـمات
حرب الحجاز ومن يحارب خصيمه


حـنـا هـل الطـولات يـوم المـلاقـات
يـوم الرجل بالحرب يقـتـل غريـمـه


وفعـال فارسنا عوض الله لنـا أثبـات
يـامـا جـمـر كـبـد المعـادي بهـزيـمه


يومـن لـبن سرحـان بالـغـزو هجمات
حــاش المـكاسب يـم ربـعـه غـنـيــمه


رجــلٍ حكـيــم ومـاحـكـا قــول زلات
عــز الـضعـيف ولا يـحب الظــليـمه

يــا عـم جعـلـك مـا تـرى بـاس و أخـلاف
عـسـى حيــاتــك كــلهــا فـــي ســـعـــاده


جـتـنـي أخـبـارك وأتـحـفـت نـفـسي أتحـاف
بعــلومـك الـزيــنـــه مــع الـنــاس عـــاده


فـعـلـك مــابـيـن النـــاس بـالـطـيـب ينشـاف
وعــنـد الجمـاعـه ذكــر طـيــبـك شـهـــاده


سـيــرة حـيـاتـك مــا بهـا نـقـص و أخـلاف
من جــابلـك ســــيـرة هـــرج با الأ شــاده


ونـتــه ولــــد شـيـخـن كــريـمـن ومـضيــاف
عوض الله بــن سـرحــان حــامـــي زنـــاده


لـك طــول يمــنـى بـالـمراجـل و مـــيـقـاف
والــكــامــل اللـــه مــنـفـــرد بــا لـعـــبــــاده

يـــالله يـــا عـــالــــم فـــي كــــل لأ ســـرار
تــرزق عــبادك مــن القــحــط مــستـجيـره


من عـقــب ما جـتـنــا معـاصـيــر وأغبــار
وأهــل الدبــش صكــوا عليــها الحـظـيـره


والـنـاس تــدعــي ربــهـــا ســر وأجـهـــار
تـــطـلـب نـزول الغـــيـث مثــل الغـمـيــره


ويـالله تـــرزق مـمـلـكــتـنــــا بالأمــــطـــار
ونـــشـــوف مـنـبــات الــحـيا بـكــل ديـــره


مع أول طـلــوع الــوسـم ويـعــود تـكــــرار
وتـربع لـنــا أرض الممـلكـه بـكـل شـبـيـره


وتـفـرح جـميـــع الناس وتـنـشــر بالاخـبـار
بشوف المطـر والسيــل يـجـري غــزيــره


ونـبـت الحيـا والعـشـب مـع نـبـت الاشـجـار
يــبــقــى لنــا من فـــضـل ربــي وخــيـــره


وراع الــولـه والـصـيــد يــنـشــد ومـحـتـار
من كــــثر مـــاصــارت مــواقــع كـــثـيـره


فــي كـــل وقـــت لـــه طــواري ويــخــتار
وصـارت مـسـافــاتــهـا بعـضـها قـــصيــره


وأهــل الغــنـم صـاروا مــع الـنـاس تــجــار
يــشــــري حــلال وبـاع حــلالـــه لـغــيـــره


نســـى هــمـومــه والــخــسـايـر والاضــرار
ولاعــــاد يـــــدور لــــذره والـشـــعــيــــره


وأهــل الأبــل نـيــاقــهـــم بوســـط مـخـضار
تـاكــل عـشـب وتـشرب مـن الـماء غـديــره


وأصحـابهـا ساكـنـيـن تـحـت ظـل الأشـجـار
ولايــســمـعـون إلا الـجـمــل مــع هـديـــره


يـشــرب حلــيــب خلـفـات أصـغـار وبـكــار
ولامـعـجـبـه غــيــر ناقــتـه مـــع بــعــيــره

الجيب يا عبدالغني كيف أبشريه
لاعـاد ماعندي فلـوسـن تـجـيـبه


يا حظ من يملك تايوتا و يقنيـه
اللي بـدون المال حظـه يـجيـبه


ليانوى بعض المواقع سرى فيه
يطوي مسافة البعد عنده قريـبه


وليا أشتهى المقناص مابعد هقاويه
مايـشب ناره غير براس الجذيـبه


بديار فيها الصيد نسمع بطاريه
ليا جالها الصياد حصل نصيبه


وليا سمع طريا الحيا فز ناصيه
ولا ياقف إلا عند مجرى شعيبه


وأن كان بالصمان والسيل حاديه
ما يدور اللـي يـنقـذه ويـقـتـديـبه


ما يـعتمد إلا علـى الله يـنجـيـه
ولا يزتمل لو كان محدن قريبه


يضرب به الوادي ويقطع مباريه
من قـوته مافـيـه شـكـن وريـبـه


موترمصمم لصحاري وأراضيه
يا طا على الدرب الوعر مايهيبه


ويطلع على قمة الجبل فوق عاليه
ويـسلك دروبن كلبـوها صعـيـبه


ويشيل حملن فوق حمله مساويه
عزمه قوي و مواصفاته عجيبه


ليا مشى با السوق كلن نظرفيه
له منظـرن مافـيـه مثـله وهيـبه


من يملكه يعاف المواتر ويغنيه
ولاعاد يدور له على غير جيبه

قصيدة : بن شتيوي المعمري
-------------------------------

تكفى يابو عـادل عريـب الجـدودي
أبـغــاك عـنــي تـسـتـلـم بالكـتـيـبـه


ليا صرت عود و موجعتني زنودي
و علـيـه أعـمــال الكتـيـبـه تعـيـبـه


و عليـك كسـب الطايلـه ماتـكـودي
علـى مثـل شــرواك يـمـدح بطيـبـه


و نتـه وفـي و مـن سلايـل فهـودي
يكفيك فعل جدك عوض الله مصيبه


يوم الحرايب مثل قصف الرعودي
ياخـذ علـى الخصـم العنيـد الغليبـه


فـكــاك ربـعــه بالـمـلاقـا ســـدودي
فارسـن يفـك الـذود وسـط اللهيـبـه


وربعـك قساهـم بالمعـانـد يــزودي
لــو لـعـة لـلـحـرب نـــار الحـريـبـه


و عندي على ذلك ثوابـت شهـودي
لياطـلـع المـثبـور حـقــده و غـيـبـه



=======================


ورد قصيدة الشيخ بن سرحان المعمري

----------------------------------------


يـا مرحـبـا يــا لـلـي علـيـه يـجـودي
يـــوم أنتـخـابـي لازم أنـــي أجـيـبــه


الشايـب أللـي مـن سـلايـل أجــدودي
الـنـفـس ترخـصـلـه لـوهــي تـعـيـبـه


أعطـيـه مطـلـوبـه و حـقــه بـــزودي
هـــذي طبـايـعـنـا ولاهــــي غـريـبــه


كلـه عشـان اللـيـث ذخــر الاســودي
مـن روس ربعـن للمـعـادي صعيـبـه


يـوم الـبـداوه والمـغـازي عـضـودي
كـلـن يـبــا الـطــالات يـــوم نعـديـبـه


قرمـن شـجـاع وقــام حـظـه يـقـودي
تـطـلـع أفـعـالـه و ربـعـنـا تنتـخـيـبـه


وجدك حمى الطريسي وحنا شهودي
بوجه المعامره غصب كلـن رضيبـه


و بــوك فعـلـه ظـاهـرن و مـعــدودي
و يا كثر ما نسمع مـع النـاس طيبـه


ومــدام تشـكـي موجعـتـك الـزنـودي
أبـشــر مطـلـوبـك و خــــل الكـتـيـبـه


الله يجمـلـنـي عـلــى قـــدر جــــودي
أقـــوم بـالـواجـب و سـافــر لـطـيـبـه


وأقضي الاجـازه عندربعـي وعـودي
وأنسـى العمـل مـع أسـتـلام الكتيـبـه

أبحث يا عبد الغني بــكل الأزمــان
عـن رجـل طـيـب ومـيـزتــه دون تـعـريف


تـلقـى فـعولــه بـالــعدل وزن ميــزان
وقلبـه خالـي مـن الـحسد دايــم أنـظـيـف


صادق ولا يكذب على قلب ولســان
فــعــلـه علــى قــولـــه ولا فـيــه تــزيــيـف


ويطلب جزاء فعله من الرب سبحان
ومـالــه وجــه مــقــارنــه بـكـل تـوصـيـف


ويـحرص على الضعيف لـيا صار فقران
يـعـطـيه مـن الـصـدقـات لــو أنــهـا أرغـيـف


وليا صار ضيف وعند ربعـه وصدقا ن
يكسب مـحبــت النـاس مــن دون تـكـلـيف


ودي تـصيـر مـثلــه وفعـلـك بـرهــان
وزودن عــلـيـهـا مـــن هــل الـبـن والكـيـف


هـي منـوتي يابوك ولطيب شفقـان
وعسـاك تسلـم مـن شــرور الـصــواديــف

شهيـدنا درع الوطـن ضـد الأرهـاب
فـدا الـوطـن وفـدا الملك في حـيـاتــه


أدى الأمـانـــه مـاتـعـــذر ولاهـــاب
طـايــع مـنــفــذ كـــل أوامــر ولاتــه


لـب الـنـداء فمـداهـمة وكـرالأرهـاب
وحـارب طغـات الـديـن حـتى ممـاته


ودفـن بـدمه طاهرن وســط الأتـراب
وحضروا جميع أهل القصيم لصلاته


علي بـن غـازي لنـا فخـر وعجـاب
شـهـيـد لـلــواجـب وعــزانـا وفــاتــه


له طـول يمنى عنـد ربعـه والصحـاب
كـل الصـفـات الطـيـبـه مـن صفــاتـه


شهـادتـه يـفـخــر بـهـا كــل الأقــراب
تـبـقـى لـنـا ذكــرى وبـاقــي سـمـاتـه


وقفت رجال الأمن يحسب لها حـساب
ليا من دعـاء الـواجـب قـالـوا فــداتـه


وحكامنـا حماة الوطـن ضـد الأرهـاب
تشجـب وتـنكـر لمنحـرف في سواتـه


تحـكـم بشـرع الله وتـأخــذ با لأسـبــاب
والمـعــتــدي يــردع ويـأخـــذ جــزاتــه

السلام عليكم ورحمة الله وبركاته

هذه القصيدة الشيخ :

عبدالله بن سرحان المعمري الحربي

شيخ العماريه من قبيلة المعامره من حرب


في العقيد :

صالح بن فهيد بن بركي المعمري الحربي




================


يا صالح بن فهيد والنعم طاريك

ياكاسب المعروف والطيب فالك




أبفتخربك يابن عمي مصافيك

من قلب مخلص صافين لك صفالك




أبوك على علوم المراجل موصيك

علمك وعن كل القصص لك حكالك




فهيد بن بركي به الطيب يكفيك

وفعل النشاما كاسبه من خوالك




فيك الشهامه و الوفاء من مباديك

وفيك الحموه و الكرم راس مالك




طلق الحجاج ومن يعرفك بيغليك

ليانصاك الضيف يمدح قبالك




باالصدق والأخلاص تقهر معاديك

متواضعن وقت العمل في مجالك




تفزع مع الحربي لياجاك ناصيك

لك فزعتن تذكر و موقف الحالك





يشهد لك اللي جاك ثم نتخى فيك

وسط المجالس يمدحك يوم جالك



ويشهد لك اللي شاف فعلك مخاويك

اللي يعد فعلك لمن هو عنالك




ويشهد لك اللي من المعامره بناخيك

اللي مدح طيبك لياجاء مجالك



عزالله أنه من يذمك غوى فيك

يالوافي اللي كاملاتن أخصالك