ترحيب بشيوخ قبائل حرب في ضيافة السيد عبد المحسن النهاري/مرار

السلام عليكم ورحمة الله وبركاته
هذه قصيد القيتها ليلة البارح ترحيب بشيوخ واعيان قبيلة حرب وعلى رئسهم
الشيخ طه بن مبيرك وعدد من المسؤلين ورجال الاعمال
في الابواء بضيافة اخي السيد عبدالمحسن النهاري (ابو تركي)

القاف هل وطاوعتني لحونه=يازين طرق القاف لازان معناه
بعداد ما حط الحيا من مزونه=واعداد ما فج الثرى من عذى ماه
وبعداد ما طاب الثمر في غصونه=وإعداد ما يجنا بعد زان مجناه
ترحيب وافي والملا يسمعونه=لو ينطقه في لحنه الطير غناه
بالربعه اللي ياسعد من يجونه=بقدومهم كنه بلغ غاية مناه
على الوعد ميقافهم يحتمونه=ودرب الوفا ما همهم طول ممشاه
حرب ان عطو ميعاد ما يخلفونه=والشيخ طه كلنا عند هقواه
نمشي معه تكميل ونكون كونه=وقـت الوازم نحتمـيـبه ونحماه
قرناس ربعه بالوفا يذكرونه=زبن القطين اللي شكى ضيم دنياه
والدار دار اجواد وتشرفونه=الطيب ساسه والكرم شاد مبناه
بناه ابو تركي وعلا ركونه=يالله من صرف المقادير تاقاه
راعي اللزوم ومقفه يشهدونه=اللي نخوه ونالهم مد يمناه
وان جت رفيقه نايبه حال دونه=الله يرحم من على الطيب رباه
وصلات ربي عد ما يطلبونه=واعداد من كبر في بيته ولباه
على نبيُ امته يقتدونه=نمشي على نهجه والارواح تفداه

مرار

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح الله لسانك
ولاهنت
وسلم فكرك وبنانك
دمت برعاية الله وحفظة

لله درك

صـح لسـانـك

ولاهنت يالذيب

تقبل مرووري

اللهم صلي وسلم على سيدنا محمد
صح لسانك يابو جسار
الجزل مايجيب غير الجزله
لاهنت

صح لسانك وسلم بنانك وبيض الله وجهك

قصيده في غاية الروعة والجمال الله يعطيك العافيه

دمتم بخير

صح الله السانك


قصيدة عانقة السماء بجزالتها وأبداعها

تحياتي لك

السلام عليكم ورحمة الله وبركاته
سلمت ودمت أخوي الشاعر ابو جسار على القصيدة .
.
.
جزله ورائعه وصح لسانك
أخوك ابوساره

لاهنت وصح السانك

تقبل التقدير والاحترام

وفقك الله