دولة فيها المواطن مايخاف ولا يضام ...... حفل تكريم سعادة اللواء خضر الزويهري

بسم الله الرحمن الرحيم

ألقيت هذه القصيدة
في حفل تكريم سعادة اللواء خضر بن محسن بن عطية الزويهري
"
"
"
"
"
"
"
"

"

ياحروف الشعر في ليل جميل مبتهج=جمليني في حضور أهل المعزة والمقام
فرحة فيها الهواجس فالضمايرتختلج=أبداع الفكرة وألبسها مع التاج الزمام
بنت يرغب كل شاعر مع مفاتنها يسج=جدها المعنى وأبوها يالعريبين الكلام
جيت أبارك يابن محسن بالضياء اللي سرج=تاج من تحته مقص وتستحقه من وسام
والقبيلة تفتخر باللي من أبناها عرج= في بروج المجد بالهمة رقا فوق الغمام
جاك تكليف وشرف جندي وطن فيها درج=كل رتبه كنت فيها ظفر ياطير القطام
ورجل يخدم فالوطن في بحرها ولا في فج=يكتسي بالبيض ويفرض له من الناس احترام
ديرة فيها المقام وزمزم ومنها خرج=خير خلق الله وفيها طيبة اللي به ترام
نفتديها بكل حال ومال وما عنها ندج=تحت حكم عيال ذاك الصقر بل ذاك الإمام
حكم قايم بالعقيدة وينفي الفكر العوج=دولة فيها المواطن مايخاف ولا يضام
آمنين وراغدين وشربنا عذب هدج=نعمة نشكر عليها ربنا رب الأنام
ما نزايد في وطنا كل معتوه هرج=ولا ندس السم وسط الشهد ونسقيه العوام
شرق داري مثل غرب الدار مافيها فرج=ومن شمال المملكة حتى الجنوب إلنا حزام
حضرها مع بدوها بالطيب والدين اندمج=كلنا واحد ولا نرضى يجي فينا انقسام
هاجس من خاطري مثل الصباح اللي بلج= يابن محسن عن جميع الحاضرين اهدي سلام
والصلاة الكاملة عداد من صلى وحج=لأحمد المحمود سيد الخلق والنور التمام

والنعم في الجميع
واالف مبروك للواء خضر الزويهري يستاهل المدح
ويستاهل الرتبة لاخيب الله له تعب

وصح السانك قصيدة جزلة
مراقبنا وشاعرنا القدير
فوزا الزويهري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الكحيلة

	والنعم في الجميع واالف مبروك للواء خضر الزويهري يستاهل المدح ويستاهل الرتبة لاخيب الله له تعب وصح السانك قصيدة جزلة مراقبنا وشاعرنا القدير فوزا الزويهري

صح بدنك وسلم غاليك والله يبارك فيك

شاكر مرورك الكريم

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وسلم غاليك يارابح

لاخلا ولا عدم

صح السانك وبيض الله وجهك
والف مبرووك

صح لسانك وسلم بنانك وبيض الله وجهك

قصيده في غاية الروعة والجمال الله يعطيك العافيه

دمتم بخير

صح الله لسانك
ولاهنت
وسلم فكرك وبنانك
دمت برعاية الله وحفظة

الف مبروووك
صح لسانك وبيض الله وجهك
كل الشكر لشخصك الكريم