مساجلة بيني وبين الشاعر والاعلامي الكبير الحميدي بن حمد الحربي

قصيده موجهه لي من الشاعر الكبير الحميدي الحربي

ياللـي تقـول الوقت في ميله دروس =يرفع بها ناسن ويخفــــــض بها نـــاس
دار الزمان ودار مـــــع دورته روس = وابكى الشداد وخليت سروج الافــراس
عشنا وشفنا بيرق الــــــــــعز منكوس = راس بلا هــمة وجـــسم بــــــــــلا راس
عصيت عقول وعطيت الطاعة انفوس = سلايل غدابـــها ســيـــــــل الافــــــلاس
ماقصدي الافلاس من قلة فــــــــلوس = اكبر وجــــع ومصيبة إفلاس الإحساس
ياجوهر الغالب وانأ منك مريـــــوس = بالعـــرف والإدراك وش يطـــرد اليأس
وش طب قلبن قبل عقــدين ملموس = في مخــلب قطامي ونيبـــان فـــــــراس
لو الوطن بابن جعيـــدان محــروس = حاميه ظـــل اخــوان نــــورة من الباس
الخير واجــــد مايبي عنوة عسوس = كـــــل الســــعودية بعــــز ونــــــوماس
لكــن سرح فكري وقادتني هجوس = يــم الجروح اللــي بالاعمــاق غطـــاس
وانت الطبيب ان كان هب الهواء كوس = اسبق بطبك ركـب قطـاع الانفـــاس
كــد قلت قبل سنــين والـــــدار مانوس = اشيل جـــرح العود لمفـــارق ادباس
جرح خفــي ودواه ماهــــــو بملموس = عنــه الخبر لمـــدوره عيــن لمـــاس
نور الرجاء من داجي الياس محبوس = الليل عسعس والسحر مالــــه انفاس
بينت ياجوهر عناوين ورموس = عــــن بعض مابي وانــت شاعـــر وحساس

ردي على الشاعر الكبير الحميدي الحربي

جـــــــــــاني كـــلام دق بالقلــــــب ناقــوس = واحيـا طواريـــق جديـــــــده ودراس
وامسيت فــي جــوٍ مـــن الحـــزن متـروس = مستبشــرٍ بالخيــر والبـــــــال منحاس
مــن شاعـــرٍ شعــره بالاعمـــاق مغــروس = قطع الذهب ما هو صدى شن ونحاس
معناه فــي رمــز الادب تــــاج عـــــــروس = نقشٍ مـــن العسجــد تزيـن به المـاس
حســاس والمعنــــى بالامثــال محســــوس = يجلي عـن الخاطر صدى هم وعمـاس
يا أبو حمـــد وضــعٍ مقـــدر ومــــــدروس = نتيجـــته للــــي سعـــى فيــــه نبـراس
الطـــــب ما يقــــوى علــى كــــل فيـروس = وبعـض القلـوب جروحها مالـها قياس
وقـــت تغيــر والحريــر انقلــب عــــــوس = وضاعت مواقف لابس الدرع والطاس
تخاشــروا بالـــزاد مسلـــم وهنــــــــدوس = ولا اشوف انا من بين الاثنين وسواس
وان كان تشكي ضرس ابطى بـه السوس = يامــا علــى غيـرك غرابيــل واتعـــاس
مـن قـبل شرهتنــا علــى باري القــــوس = واليــوم دونــك بـاري القـوس ســواس
المعضــلات كبــار والوضـــع معكـــــوس = وش حيلتـي والشعــر حبــر بقرطـــاس
مــا ودي افتـــح للــغى سمـع جاســــوس = =ويصبــح حديــث بيـــن حاقــد وبـــلاس
لكـــــن عــــزاك اليتــــولاك كابــــــــوس = مــــا دام للــــحوزة فضيــــلة وحــراس
حـــراس مـن صفوة سلاطين وحبــــوس = مـــن هــازهم فـي خف الاقــدام ينـداس
بظــلالــهم عاشت ســـراحين وتيــــــوس = حتــى تســاوى منـــزل الذيـل والــراس
مــا عـــاد بــــاق لحيـــة تنـطـح المــوس = =كـل اللـحى صارت تحـت موس هــلاس

صح السان قايلها وناقلها
قصيدة جزلة لاشك

صح لسان ابو حمد و مشكور على النقل

و ابو حمد شعره مكسب لنا في الملتقى

صح السان قايلها وناقلها
قصيدة رائعه

الشاعر الكبير
جوهر الحربي
هلا وغلا مليون ويشرفنا
تواجدك بيننا بهذا الصرح الشامخ
وصح لسانك ولسان الحميدي الحربي
شعراء كبار لكم وزنكم في الساحه الشعريه

الشاعر القدير جوهر الحربي
صح لسانك ولسان الشاعر الحميدي الحربي
الله يعطيكم العافية

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله لسانك
ولاهنت
وسلم فكرك وبنانك
دمت برعاية الله وحفظة

صحت السنتكم

سلمت ولاهنت

تحياتي

	المشاركة الأصلية كتبت بواسطة جوهر الحربي

	قصيده موجهه لي من الشاعر الكبير الحميدي الحربي ياللـي تقـول الوقت في ميله دروس =يرفع بها ناسن ويخفــــــض بها نـــاس دار الزمان ودار مـــــع دورته روس = وابكى الشداد وخليت سروج الافــراس عشنا وشفنا بيرق الــــــــــعز منكوس = راس بلا هــمة وجـــسم بــــــــــلا راس عصيت عقول وعطيت الطاعة انفوس = سلايل غدابـــها ســيـــــــل الافــــــلاس ماقصدي الافلاس من قلة فــــــــلوس = اكبر وجــــع ومصيبة إفلاس الإحساس ياجوهر الغالب وانأ منك مريـــــوس = بالعـــرف والإدراك وش يطـــرد اليأس وش طب قلبن قبل عقــدين ملموس = في مخــلب قطامي ونيبـــان فـــــــراس لو الوطن بابن جعيـــدان محــروس = حاميه ظـــل اخــوان نــــورة من الباس الخير واجــــد مايبي عنوة عسوس = كـــــل الســــعودية بعــــز ونــــــوماس لكــن سرح فكري وقادتني هجوس = يــم الجروح اللــي بالاعمــاق غطـــاس وانت الطبيب ان كان هب الهواء كوس = اسبق بطبك ركـب قطـاع الانفـــاس كــد قلت قبل سنــين والـــــدار مانوس = اشيل جـــرح العود لمفـــارق ادباس جرح خفــي ودواه ماهــــــو بملموس = عنــه الخبر لمـــدوره عيــن لمـــاس نور الرجاء من داجي الياس محبوس = الليل عسعس والسحر مالــــه انفاس بينت ياجوهر عناوين ورموس = عــــن بعض مابي وانــت شاعـــر وحساس ردي على الشاعر الكبير الحميدي الحربي جـــــــــــاني كـــلام دق بالقلــــــب ناقــوس = واحيـا طواريـــق جديـــــــده ودراس وامسيت فــي جــوٍ مـــن الحـــزن متـروس = مستبشــرٍ بالخيــر والبـــــــال منحاس مــن شاعـــرٍ شعــره بالاعمـــاق مغــروس = قطع الذهب ما هو صدى شن ونحاس معناه فــي رمــز الادب تــــاج عـــــــروس = نقشٍ مـــن العسجــد تزيـن به المـاس حســاس والمعنــــى بالامثــال محســــوس = يجلي عـن الخاطر صدى هم وعمـاس يا أبو حمـــد وضــعٍ مقـــدر ومــــــدروس = نتيجـــته للــــي سعـــى فيــــه نبـراس الطـــــب ما يقــــوى علــى كــــل فيـروس = وبعـض القلـوب جروحها مالـها قياس وقـــت تغيــر والحريــر انقلــب عــــــوس = وضاعت مواقف لابس الدرع والطاس تخاشــروا بالـــزاد مسلـــم وهنــــــــدوس = ولا اشوف انا من بين الاثنين وسواس وان كان تشكي ضرس ابطى بـه السوس = يامــا علــى غيـرك غرابيــل واتعـــاس مـن قـبل شرهتنــا علــى باري القــــوس = واليــوم دونــك بـاري القـوس ســواس المعضــلات كبــار والوضـــع معكـــــوس = وش حيلتـي والشعــر حبــر بقرطـــاس مــا ودي افتـــح للــغى سمـع جاســــوس = =ويصبــح حديــث بيـــن حاقــد وبـــلاس لكـــــن عــــزاك اليتــــولاك كابــــــــوس = مــــا دام للــــحوزة فضيــــلة وحــراس حـــراس مـن صفوة سلاطين وحبــــوس = مـــن هــازهم فـي خف الاقــدام ينـداس بظــلالــهم عاشت ســـراحين وتيــــــوس = حتــى تســاوى منـــزل الذيـل والــراس مــا عـــاد بــــاق لحيـــة تنـطـح المــوس = =كـل اللـحى صارت تحـت موس هــلاس

الشاعر الجزل جوهر الحربي

قصيدة جزله متفرده بالمعنى
وصح لسان الشاعر والأديب الشامخ
الحميدي الحربي
تقبلا كلاكما خالص تحياتي