يابو تركي

فايز= البشري
سلام ياذيبان تسليمة من الصدر الوسيع = تسليمة ٍ فيها وفيها والمعان اتسوقهـا
لو راعي النخوه يثور بندقه مع كـل ريـع = بلـش بـدم النـاس والا يدينهـا وحلوقـهـا
سعد= المحمدي
يامرحـبـا ترحـبـةٍ منـهـا حـصـى الـحـره يمـيـع = والـقــوم يـافـايـز نعامـلـهـا حـســب منطـوقـهـا
لو راعي النخوه ماسج الرجل مع واد النقيع = روس الاوادم من حصانـا ماتشـوف أفلوقهـا
فايز= البشري
لك البقاء ياراعي الصملات يالراس الشجيع = لاكـــن لا دقـقــت تلـقـاهـا تـلــوح ابـروقـهــا
ماسج رجله لين شاف بعينـه الفعـل الشنيـع = ونــوا يخـلـي هالطبـاقـه ينكـشـف طابـوقـهـا
سعد = المحمدي
حــنــا نـطـيــع بــحــال ولا حــــال حــنــا مـانـطـيـع = وزعـل لاشـفـت البـشـت يافـايـز وســاع افتوقـهـا
ترمي بها عنكم سما وطيح في حضن الرضيع = مـيــر الذبـيـحـه علـقـوهـا الـقــوم فــــي معـلـوقـهـا
فايز=البشري
انا لقيت الذاهبه لاكن لها بـرض ٍ ربيـع = والبشت ضافي والنشاما ماتضيع احقوقها
به شي فيه امجامله لاكن لاياجاملـت ذيـع = من شان من تخبز اتعود تنظـر المرقوقهـا
سعد= المحمدي
مـن قـام يبراهـا مـع الـخـط المـلـوى والسـريـع = بكره جبال النيـر مـن شـان الحبيـب ايحوقهـا
الشمس تطلع والجليد اللي على القمه يميع = وأم الكبايـرسـمـهـا تـلــقــاه وســـــط أشـدوقــهــا
فايز= البشري
انـا لقيـت القافلـه تمشـي وانـا ضمـن الجميـع = واشوف لي نجده وراء ددسن ولاحد ايسوقها
وشمس الحقايق بينه لاكن ماحـد ٍ يستطيـع = إنـــه يـنـشـف دمـهــا يـاصـاحـبـي بـعـروقـهـا
سعد = المحمدي
منته مكلف تتبع الاموات في وسط البقيع = عيـن ابغمارتهـا وعيـن أكيـد فـي صندوقـهـا
تـرى محطـات الفظـاء للعـلـم يافـايـز تـذيـع = ياكبـر غلطـة راعـي المعـزاء علـى فاروقهـا
فايز= البشري
الي مجامـل ماقصـد ياصاحبـي كثـر اللميـع = لاكـن يبـي مـن هـو يفـرّق ينتبـه لفروقـهـا
وإلا انا ماني من الي لاشراء يشري رجيع = لقيت لي بضاعة ٍ في سوق ماهو سوقها

[/[/poem]size][/font][/center]