شد حزامك يامضحي

بدر العريمه=
وش بلا العالم على مضحي عساها=يوم تطلب مضحي ابخص في طلبها
دلونا يجري مـع العالـم رشاهـا=كان صدرنـا عرفنـا وش سببهـا
مضحي بن جمران=
الرجال احرار تمشي في هواهـا=بالرضا يالقرم مضحي ماغصبها
كل دلوٍ يسقي العطشـان ماهـا=سجلوها في سجل اللي جذبهـا
بدر العريمه=
مير لو ننشدك ويش اللي وراهـا=قلت مدري والله الخالق حسبهـا
وانت لك بين العرب حشمه وجاها=لو رميت البشت ماهزت هدبهـا
مضحي بن جمران=
العلوم الواضحه ماحدٍ غواها=والاجابه جاهز لاقلت جبهـا
بس مايرسى الثقال ولا قواها=غير خلاقٍ بتدبيره نصبهـا
بدر العريمه=
لاتبلا الخلق غيرك مابلاهـا=غير من در القراده واحتلبها
مانرسِي مير سبحانه رساها=مير نرسي مثلها لاوقد حطبها
مضحي بن جمران=
البشر يفداك من يبحـث خفاهـا=والبخيصه من نصيب اللي جلبها
الرسالـه لالقـت فاهـم قراهـا=كيف يعرف محتواها من قلبهـا
بدر العريمه=
الرجال افعال لاجا مستواهـا=والردى معه اهله تنفخ قربها
المصايب فالزمن دارت رحاها=يالعل وياعسى تفرج كربهـا
مضحي بن جمران=
سالم ومسروح مانشضاء عصاها=وعزنا من عـز دفانـة أركبهـا
بالفعول الهايله غاضـة اعداهـا=شمسهم ماحدٍ بغربالـه حجبهـا
بدر العريمه=
الغصون الريسه حلو"ا نباهـا=تنتسبلي يوم مثلك ينتسبهـا
الطيور اوقاعها دايم شباهـا=فالقصيم وكلنا الخفجي وفابها
مضحي بن جمران=
شجرةٍ فالجود ماقلص عطاها=ظلها فارق وتفرق في رطبها
والنجوم اللي تلالا في سماها=تعجز الحساب لو قام وحسبها
بدر العريمه=
ياصدوق النو والمزنه وماها=لانشيتي وجهي عالي هضبها
الجمال اللي عرفنا وش مناها=فالوسوم الطيبه مثنى رقبهـا
مضحي بن جمران=
جعل نار العز وهـاجٍ سناهـا=في ديار اهل المكارم من عربها
والبيوت بساسها يصمد بناهـا=مايغر اهل النظر زخرف عتبها
بدر العريمه=
ان تنخوو والمسو يمنى لحاهـا=مرويت حِدب رهافا في نصبهـا
شب ناره مير في رجله وطاهـا=يوم يوحي فالتنخوي من غضبها
مضحي بن جمران=
منتهى الهرجه وزبدة منتهاها=ضمها صندوق كتابٍ كتبهـا
ونية المخلوق لامنه نواهـا=شبهوها فالمطيـه لاشعبهـا