اقرب جاي ياحفيد الحجيري لاهنت "

قبل لاتبداء التجاره ويش تملك من سيوله=فيه شيكات صفر مافيه مصرف ماحذفها
وكل كفو ن ينمدح دام المراجل بالرجوله=ويتنومس من ذكر فعـل النشاما مع شرفها

ويش رايك تشتغل عندي معقب لك عموله=كم فقارى من زكاة أموالنا عاشت ترفها
المراجل يا ابرق الجنحان ماهي بالسهوله=ما توالف يا عريب الجد غير اللي ولفها

والله محاوره من الوزن الثقيل الله يعافيكم كلكم شعار جزلين

مغتني واللي غني مايطلبه سهل ن حصوله=كل مايحتاج حاصل ماتسلف واستلفها
والمرجــل للرجال اللي تبرهـن ماتقـوله=والجواهر فالبحر والجوهره نعرف صدفها

	المشاركة الأصلية كتبت بواسطة الطوفان

	مغتني واللي غني مايطلبه سهل ن حصوله=كل مايحتاج حاصل ماتسلف واستلفها والمرجــل للرجال اللي تبرهـن ماتقـوله=والجواهر فالبحر والجوهره نعرف صدفها

زادك الله بس ليش الزرع ما بان امحصوله=عن رطبها ما اغتنى الفقران يا كود بحشفها

طرف مبصر ما تقدى بطرف فيه شوي حوله=والبحر ياكم سفينه قبلكم موجه جرفها

صح السانك ياحفيد الحجيري وبيض الله وجهك استمتعت بالعب معك ومع السلامه يالقرم

ياسلام ياسلاااااااام على الكلام
كلام مليان وشعراء جزلين
صح الله السنتكم ودام ابداعكم

	المشاركة الأصلية كتبت بواسطة الطوفان

	صح السانك ياحفيد الحجيري وبيض الله وجهك استمتعت بالعب معك ومع السلامه يالقرم

صح بدنك ووجهك ابيض يالطوفان

سعدت و تشرفت بمحاورتك شاعر يخصم الشعر بالشعر

اعذرنا اذا حصل منا قصور ومثلك خابر القلطه لا تخلو من المناوشات ولكنها لا تتعدى
ذلك في نفوس الشعار المتمكنين شرواك

شكرًا لك ولكل الاخوه المتابعه

أخيرا اذا ما عليك كلافه يا ذيبان تنسقها في موضوع واحد

لا عدمناكم

الطوفان

مرحبا ترحيبة ترفع شعارات البطولة=شامخة بالعز لايمكن تراجع عن هدفها
الحجيري مسلم ن وامن وصار الخوف حوله=مزهبه مأخوذ والبندق خطفها من خطفها

حفيد الحجيري

البقا فالحله اللي تعتبر للشعب دوله=والمعاني صرفها صرف الذهب للي صرفها
الحجيري دينه الاسلام و محمد رسوله=كم فرس ما تنعسف لكن ابو زيد يعسفها

الطوفان

حلة أهل الجود نعرفها لها صوله وجوله=والمعاني من يصرفها هـو اللي يكتشفها
وكـلبونا مسلمين مسالمين ومن حموله=وفي ميادين البطوله خيلنا كل عرفها

حفيد الحجيري

عرفكم ما نجحده والقول برهانه فعوله= والمعاني لو تغربلها كشفنا لك طرفها
ما نذم الظفر مير الهرج عن عرضه و طوله=سوقها سوق الدلال تنومس اللي يرتشفها

الطوفان

قبل لاتبداء التجاره ويش تملك من سيوله=فيه شيكات صفر مافيه مصرف ماحذفها
وكل كفو ن ينمدح دام المراجل بالرجوله=ويتنومس من ذكر فعـل النشاما مع شرفها

حفيد الحجيري

ويش رايك تشتغل عندي معقب لك عموله=كم فقارى من زكاة أموالنا عاشت ترفها
المراجل يا ابرق الجنحان ماهي بالسهوله=ما توالف يا عريب الجد غير اللي ولفها

الطوفان

مغتني واللي غني مايطلبه سهل ن حصوله=كل مايحتاج حاصل ماتسلف واستلفها
والمرجــل للرجال اللي تبرهـن ماتقـوله=والجواهر فالبحر والجوهره نعرف صدفها

حفيد الحجيري

زادك الله بس ليش الزرع ما بان امحصوله=عن رطبها ما اغتنى الفقران يا كود بحشفها
طرف مبصر ما تقدى بطرف فيه شوي حوله=والبحر ياكم سفينه قبلكم موجه جرفها

انت تأمر امر ياحفيد نسقتها يالقرم وعسى تنسيقي يعجبك وتصبح على خير ومع السلامه