تقاربت والشرق كنه ربع ميل =-------------------

	المشاركة الأصلية كتبت بواسطة الندااوي

	اهدي لكم هذه الابيات المتواضعه عسى ان تنال رضاكم سقت النظر من ناظري بالدرابيل=سوقة تبصّر والمعاين فطيني وأمعنت في سود(ن)علينا مقابيل=قام يتبين سبرهن للذهيني أخيلهن بالعين مثل السماليل=وإزداد قلبي من دليله يقيني إنه صحيح العلم ماهو تهاويل=إروايته وإسنادها للثنيني عن مصدرٍ(ن)ماثوق وحين وتأويل=باللي على الاصحاب والتابعيني ياصف وصفهن كما حالك الليل=هاذي لها الغاره والاخرى كميني نوازلٍ تنزل على الحي وتزيل=منها العرب عزيلهم مدركيني قنديلهم يسلب ويعطون منديل=ومن هول كونه عدهم ميتيني حل الوهن بقلوبهم والحلاحيل=ماتحول دون إحلوقها باليديني هدا العساف إجمالها للجماميل=والعود يخشى من ضناه البطيني فيها لبو وجهين حطوا مداخيل=الآيفون بئس الخوي والقريني اللي وجوده زاد فردة على الشيل=سوءٍ(ن)على المقفين والمقبليني دنياء كفاالله شرها والمحابيل=تلعب على ماقيل بالمارتيني سادوا بها الآشرار وأم الخلاخيل=لها الشبك مجدوع دنياء وديني وأهل الامانه والخيار المشاكيل=غطأ الكتام إنجومهم لاتبيني تقاربت والشرق كنه ربع ميل=والغرب عنا مايجي قفلتيني عصر الحضارة واكبه وإركب الريل=عيش الرفاه وعايش الراهبيني واللي تحراء باشقر الريش لسهيل=راعي ولع لايوقض الغافليني قالوا يهيد ونكحل العين بالميل=حتى إنخلي كل قاسي يليني وقالوا وقالوا والنوايا مغاليل=والرب بالمرصاد للماكريني وبرادة الله ينتهي كل ماقيل=بفك الآسير ونصرة الصالحيني سعود شديد النجدي الوسيدي

الله عليك يالنداوي

واتقول متواضعه ياشيخ ليت كل اللي نقراء هنا متواضع مثل هذي ومن تواضع لله رفعه


اشهد بالله اني قريت شعراً حقيقيا يروي عطاش الذوق والفكر الحكر


شاعارنا الكبير سعود بن شديد الوسيدي الف الف الف مليون صح السانك

واعتلا شانك


قلت واجزلت


نص شامخ بيض الله وجهك



احزل الشكر لهكذا شعر




تحيتي وتقديري