منقول

/
/
/
/
/
/
/
/
/
/
/
/
/

خـالـد بــن عـبـيـد الاحـمــدي =
سلام الله سلام ٍ مايجي نقده من الاجـواد=يسوقه شاعر ٍ معناه فاق الـورد تعطيـره
والا يابوحجيّج قوم هات العلم منك اوكـاد=ابا حدّك على معنى ومنك احتاج تفسيـره
محـمـد بــن حجـيّـج الاحـمــدي =
هلا بالشاعر اللي لا حضر مايخلف الميعاد=انا ماشكّ في معناه وعنـدي كـل تعبيـره
والا ياصاحبي سوق المعاني وانتظرها جداد=ولك منّـا نفسّرهـا ونرسلهـا بتمريـره
خـالـد بــن عـبـيـد الاحـمــدي =
عسى تبقى يابن عمّي وتنهج منهج الاجداد=رجاجيل الوفا مثلك تعـزّ الـدار والدّيـره
تجهّز جالكم لغزي بطاروقـي لكـم ينقـاد=وانّا ماشكّ في عرفك وفي عقلك وتفكيـره
محـمـد بــن حجـيّـج الاحـمــدي =
لك الله مانحيد اعن الطريق وجيتك أعيـاد=ومثلك مايجيه النّقص سابق صيتك السيرة
واذا ماجيت تنشدني انا تالـي لكـم نشّـاد=وهات اللي على بالك وبامـر الله تدبيـره
خـالـد بــن عـبـيـد الاحـمــدي =
انا بنشدك عن خودٍ تشيّل من سحوق الزّاد=تملّى بطنها.. فيها ولدّهـا زاده اخشيـره
لاكن الورع يسرقها في وقت افراح لابحداد=ويعطي زادها خودٍ تصيب اسهومها غيـره
محـمـد بــن حجـيّـج الاحـمــدي =
هذيك المكحله والمرود وجاتك على الاشهاد=لكن الحين جا دوري معـه ردّي وتقديـره
أبنشد بالشعر وابغي ردودك ماتروح بعـاد=واذا ماحترت بالمعنى أزيدك من تفاسيـره
خـالـد بــن عـبـيـد الاحـمــدي =
صحيح الحلّ يامحمد ومثلك ماخسر فالمـاد=ماخاب الضنّ في عرفك وفي قافك تصويره
انا مرشد ولك راشد ولا بحتاج منك ارشاد=والا منه وصل لغزك تبشّر جاك تكسيـره
محـمـد بــن حجـيّـج الاحـمــدي=
ياويش اللي تسيّر بيننا وهي ماعليها عماد=تسابقنا وتسبقنا ومنها الناس فـي حيـره
تفتح دونها الابواب وعقول البشر وعبـاد=وتلقى فيها خير وشر ولا تاكل من الميـره
خـالـد بــن عـبـيـد الاحـمــدي =
قريت اللغز خذ حلّه ولا يحتاج منك اعنـاد=هذيك إشاعة الهرّاج لادندنّ علـى زيـره
ولك منّي يابن عمّي جزيل الشكر عدّ اعداد=هماليل المطر..والقاف جات انهايته خيـره
محـمـد بــن حجـيّـج الاحـمــدي=
تساوينا على وضح النّقى في نشرة الأرصاد=ورثنها عن الأجداد وكلن حسـب تقريـره
لعل الله يديمك لي ذخر ياكاسـب الامجـاد=ونحيي مامضى من ورثنا ونعيـد تدويـره

ياسلام بيض الله وجيهكم
بحر حجازي بامتياز صحة السنتكم ويعطيكم العافيه

تساوينا على وضح النّقى في نشرة الأرصـاد
ورثنـهـا عــن الأجــداد وكـلــن حـســب تـقـريـره
لعـل الله يديمـك لــي ذخــر ياكـاسـب الامـجـاد
ونحـيـي مامـضـى مــن ورثـنــا ونـعـيـد تـدويــره ..

شعاركباروتميزكم وابداعكم لاغبارعليه
صحت السنتكم وصحت افكاركم النيره

الله الله .ياسلام على الابداع
واخص الابداع اذا جا من اهله
قافيه ومعنى وابداع الله لايهينكم

ابوهليل
الف شكر لك على مرورك
وصح بدنك

ياسلام بيض الله وجيهكم
صحت السنتكم ويعطيكم العافيه


تحيتي لكما جميعاً

صحة السنتكم جميع

هكذا الشعر وهكذا الابداع

محاوره جزله ومن شعراء جزلين ومن الوزن الثقيل

تقبلا تحياتي وتقديري

صحت السنتكم ولاعدمناكم


تحيتي وتقديري